Novosibirsk
El Vikipedio
Geografiaj koordinatoj: 55° 04' N, 82° 93' E Mapo.
Novosibirsk (ruse Новосибирск) estas la plej granda urbo de Siberio, kaj la tria plej granda urbo de Rusio. Novosibirsk estas ĉefurbo de la Novosibirska provinco ĉe la rivero Obo sur la Transsiberia fervojo.
En Novosibirsk troviĝas internacia flughaveno, enlanda ŝipa haveno, bushaveno kaj haltejo de la Transiberia fervojo. La urbo estas la krucpunkto de la okcident-siberia nacia kaj internacia komerco, financaj kaj industriaj rilatoj. Tie troviĝas multaj universitatoj kaj altlernejoj (sume 13).
La urbo estis fondita en jaro 1893 pro konstruado de ponto de trasiberia fervojo tra rivero Obj. Tiam ĝi estis nomita Novaja Derevnja (Новая Деревня). Jam en 1894 ĝi ricevis novan nomon, Aleksandrovskij (Александровский). Sed ankaŭ ĝi validis nur unu jaron. En 1895 venis tria nomo: Novonikolajevskij (Новониколаевский).
En 1903 Novonikolajevskij ekhavis statuson de urbo – kaj jam denove iom alian nomon: Novonikolajevsk (Новониколаевск). En 1925 finfine oni donis kvinan kaj ĝis nun lastan nomon, Novosibirsk. En 1959 la urbo havis 885.000 loĝantojn, en 2004 estis jam 1.434.000 homoj.
La interurba telefona kodo estas 3832, la enurbaj telefonnumeroj estas sesciferaj (en jaro 2005). Diferenco de la loka kaj moskva tempoj estas 3 horoj. Kodo de OKATO de la urbo (en jaro 2005) estas 50401.
