Mezoriento

El Vikipedio

Mezoriento aŭ Meza Oriento (Araba الشرق الأوسط, persa: خاورمیانه ، Hebrea המזרח התיכון), kurda: Rojhelatî Nawerast, turka: Orta Doğu) laŭ vaste uzata tradicia eŭropcentra vidpunkto, estas regiono de okcidenta Azio kaj nordorienta Afriko, inkluzivante krom arabaj landoj ankaŭ Israelon kaj Iranon.

Tiuj mondpartoj estas ofte rigardataj kiel Meza Oriento:

Foje Turkio kaj Israelo estas rigardataj en Proksima Oriento, foje en Meza Oriento. Foje oni konsideras Meza Oriento ĉiuj islamanaj landoj de Azio, sekve, oni inkluzivas en ĝi Afganion, Armenion, Azerbajĝanon kaj Pakistanon. Alifoje, oni inkluzivas en "Meza Oriento" nur arabajn landojn.

[redaktu] Kritiko pri Eŭropcentrismo

La termino "Mezoriento", aŭ "Meza Oriento", estas malklara kaj plursignifa. La signifo de la nacilingvaj nomoj kun simila formo varias, kaj ankaŭ ene de iuj lingvoj ĝia signifo draste ŝanĝiĝis dum la pasintaj cent jaroj.

La Angla Middle East respondas al la Germana Nahe Osten kaj la franca Proche Orient (laŭvorte "Proksima Oriento"), dum la Germana Mittlere Osten respondas al tio, kion la Angloj antaŭe nomis Middle East, kaj la Francoj Moyen Orient. La situo de la Angla Middle East kaj de la franca Moyen Orient laŭgrade moviĝis okcidenten ĝis la nuna pozicio. Ekz. la Sveda lingvo sekvis tiun evoluon, dum la Germana restis ĉe la antaŭa uzo. La tuta terminkomplekso "Proksima Oriento", "Meza Oriento" kaj "Malproksima Oriento" klare spegulas Eŭropocentran perspektivon.

Pro ĉio ĉi multaj opinias, ke oni prefere evitu la esprimon "Mezoriento", same kiel "Proksima Oriento" kaj "Meza Oriento", preferante neŭtrale geografiajn esprimojn kiel "okcidenta Azio", "orienta Azio", "nordorienta Afriko" k.s., laŭ la celita signifo.

Ankaŭ vidu: Vikipedio:Evitendaj Eŭropcentrismoj, Levantenio