Блізкі Ўсход
Зьвесткі зь Вікіпэдыі — вольнай энцыкляпэдыі.
Блізкі Ўсход (арабск. الشرق الأوسط, іўрыт המזרח התיכון) – назва, якая выкарыстоўваецца для акрэслення геаграфічнага абшару на стыку трох кантынентаў: Эўропы, Азіі і Афрыкі.
Зьмест |
[рэдагаваць] Геаграфія
Блізкі Ўсход уключае краіны паўднёва-заходняй Азіі і паўночна-ўсходняй Афрыкі. Краіны, якія складаюць Блізкі Ўсход: Саудаўская Аравія, Бахрэйн, Ірак, Іран, Ізраіль (з Палестынскай аўтаноміяй), Емен, Іярданія, Катар, Кувейт, Ліван, Аман, Сірыя, Турцыя, Аб’яднаныя Арабскія Эміраты. Плошча складае каля 9,7 млн. км² з насельніцтвам больш за 300 млн. чалавек (1995).
[рэдагаваць] Гісторыя
Гэты рэгіён - калыска вялікіх старажытных цывілізацый (Месапатамія, старажытны Эгіпет), і трох сусветных рэлігій (Юдаізм, Хрысціянства, Іслям). Доўгі час Блізкі Ўсход быў цэнтрам старажытнага свету.
[рэдагаваць] Культурны падзел
Большая частка насельніцтва Блізкага Ўсходу складае арабскамоўную супольнасць з іслямскім веравызнаннем (акрамя арабаў сюда можна аднесці і Турцыю).
Гэты рэгіён быў і працягвае быць палітычна нестабільным. Да войнаў, якія адбыліся у рэгіёне, можна аднесці: араба-ізраільскія войны, ірана-ірацкая вайна і войны ў Персідскай затоцы.
[рэдагаваць] Гаспадарка
Блізкі Ўсход – гэта вельмі важны рэгіён для сусветнай эканомікі, тут канцэнтруецца значнай частка сусветнай здабычы нафты. Таксама тут перакрыжоўваюцца важныя міжнародныя лініі камунікацыі (лётныя і марскія (Суэцкі канал)).
[рэдагаваць] Астатняя інфармацыя
Абазначэнні Блізкі, Сярэдні і Далёкі Ўсход гэта тыповыя прыклады этнацэнтрычных назваў, а ў гэтым выпадку эўропацэнтрычных, ці кропка гледжання эўрапейцаў на ўсходнія цывілізацыі.
