Leipzig
El Vikipedio
Geografio > Eŭropo > Germanio > Saksio > Leipzig
- Situo: 51° 20' NO, 12° 23' OR
- Loĝantaro: 498.365 (2004)
- Areo: 297,61 km²
- Horzono: GMT+1h (+2h de aprilo ĝis oktobro)
Leipzig (prononcu [LAJPcig] aŭ [LAJPciĵ], esperantigite Lepsiko aŭ Lejpcigo) estas urbo en Saksio, Germanio. Ĝi estiĝis en la jaro 1015 el slava setlejo kun la nomo Lipsk (= loko de tilio). Ekde 1165 ĝi rajtis nomi sin urbo.
Tie antaŭ la dua Mondmilito estis la sidejo de la Esperanto-Instituto por la Germana Respubliko kaj de la konata Esperanta eldonejo "F. Hirt und Sohn". En Leipzig okazia la 9-a kongreso de SAT la 4-an ĝis 10-an de aŭgusto 1929 kun ĉirkaŭ 650 partoprenantoj el 22 landoj.
Lepsiko estis naskiĝurbo de Walter Lippmann. Tie propagandis Elisabeth Wunderlich.
Nuntempe Leipzig estas grava centro de internaciaj foiroj. Ankaŭ el scienca kaj kultura vidpunkto la urbo ludas centran rolon: Gravaj eldonejoj fondiĝis ĉi tie, same kiel la Deutsche Bücherei (= Germana Biblioteko) kiu kolektas ĉiun germanlingvan publikaĵon; krome la urbo disponas pri renomaj teatroj, koncertejoj, muzeoj, kabaredoj, botanika ĝardeno kaj bestĝardeno. La universitato de Leipzig, fondita en la jaro 1409, estas la dua plej malnova universitato de Germanio.
La plej granda preĝejo de Leipzig, la Nikolaikirche, cetere ne nur famiĝis pro sia arkitektura valoro: En la jaro 1989 ĉi tie ĉiulunde kunvenis la kontraŭuloj de la orientgermana registara politiko kaj – kvankam parto de ili nur volis atingi pli humanan socialismon – ili kuniniciatis la reunuiĝon de Germanio en 1990.
[redaktu] Futbala Mondpokalo 2006
Inter la 9a de junio kaj la 9a je julio 2006 en Germanio okazis la Futbala Mondpokalo, inter alie en Leipzig. En la tute trakonstruita stadiono, kiu dum la turniro havis 38.898 sidlokojn, okazis pluraj matĉoj.
[redaktu] Esperantaj ligoj
Ligo al la Esperanto-Klubo de Leipzig
Saksio | |
---|---|
Regionaj subdistriktoj | |
Annaberg ~ Aue-Schwarzenberg ~ Bautzen ~ Chemnitzer Land ~ Delitzsch ~ Döbeln ~ Freiberg ~ Kamenz ~ Leipziger Land ~ Löbau-Zittau ~ Meißen ~ Mittlerer Erzgebirgskreis ~ Mittweida ~ Muldentalkreis ~ Niederschlesischer Oberlausitzkreis ~ Riesa-Großenhain ~ Sächsische Schweiz ~ Stollberg ~ Torgau-Oschatz ~ Vogtlandkreis ~ Weißeritzkreis ~ Zwickauer Land |
|
Eksterregionaj urboj | |
Chemnitz ~ Dresden ~ Görlitz ~ Hoyerswerda ~ Leipzig ~ Plauen (Vogtland) ~ Zwickau |
[redaktu] Eksteraj ligoj
Ĉi tie estas aldonaj eksteraj ligiloj por la artikolo. Vi povas helpi al Vikipedio se vi elektos la taŭgajn eksterajn ligilojn kaj metos ilin en la artikolon. |