Galilejaj satelitoj

El Vikipedio

La 4 Galilejaj satelitoj de Jupitero en miksita bildo komparanta iliajn grandecojn kun la grandeco de Jupitero. De supre al malsupre estas Ioo, Eŭropo, Ganimedo, kaj Kalistoo.

La Galilejaj satelitoj estas la kvar satelitoj de Jupitero malkovritaj far Galilejo. Ili estas je multo la plej grandaj satelitoj de Jupitero, kaj ili estas videblaj eĉ per malforta teleskopo. Ili estis unue observitaj far Galilejo je la 7-a de januaro 1610.

La nomojn de la lunoj donis la astronomo Simon Marius, kiu asertis, ke li sendepende malkovris la lunojn.

La malkovro de tiuj lunoj estis fakto neklarigebla laŭ la tradicia ptolemea mondkoncepto, laŭ kiu ciuj astroj rivoluas ĉirkaŭ la Tero. Ĝi tial fortigis la sun-centran teorion de Koperniko.

Ĉiu el la kvar satelitoj estas pli granda ol la ceteraj lunoj de Jupitero kune (konataj estas pli ol 60). Ganimedo estas la plej granda luno de la sunsistemo; ĝi estas pli granda ol la planedoj Merkuro aŭ Plutono. Se ĝi ne estus proksima al Jupitero, ĝi almenaŭ iutempe estus videbla per sen-ila okulo.

Ioo kaj Tero estas la solaj astroj de la sunsistemo, kie aktivaj vulkanoj estas konataj.

La Galilejaj satelitoj estas, de la plej proksima ĝis la plej malproksima:

Nomo	Bildo	Diametro (km)	Maso (kg)	Meza orbita radiuso (km)	Orbita periodo	Tipo
Ioo		3643	8,93×1022	421 800	1,77 tagoj	vulkana
Eŭropo		3122	4,8×1022	671 100	3,55 tagoj	oceana
Ganimedo		5262	1,48×1023	1 070 400	7,16 tagoj	oceana
Kalistoo		4821	1,08×1023	1 882 700	16,69 tagoj	oceana

[redaktu] Eksteraj ligiloj

  http://eclipse.astronomie.info/jupiter

  http://www.mao-moers.de/Aktuell/Jupitermonde/jupitermonde.html

  http://www2.jpl.nasa.gov/galileo/ganymede/discovery.html