Matsuo Bashô
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
Matsuo Bashô (eigelik Matsuo Munefusa; Ueno, bij Kyoto, 1644 - Osaka, 28 november 1694) waor 'ne Japansen diechter vaan haikus. Heer weurt algemein gezeen es de groetste diechter dee oets in de Japanse taol sjreef.
[bewirk] Leve
Bashô woort gebore es zaon van 'ne lage samoerai, en woort tot 'tzelfde opgetrokke. Evels vertuinde heer al vreug poëtische veerdeghede en in 1664 woorte zien ierste gediechte oetgegeve in Kyoto. Gedorende de volgende meenstes zes jaor blaof heer dinkelik dao woene; in eder geval versjene in deen tied versjeie bundelinge vaan häöm. In 1672 verhoesde heer nao Edo, noe Tokio, boe heer 'n sjaol um ziech heer stiechde. Es oonröstege mins naom heer gein satisfactie mèt zie succes en lègke ziech toe op 't Zen-boeddhisme. Ouch begós heer ummer langer reize te oonderneme, en leefde heer in hutte gebojd door zien leerlinge. De reize lag heer oetgebreid vas in diechwèrke. Heer storf in 1694 op doorreis aon 'n maogkrenkde.