J. R. R. Tolkien
De Wikipedia, le encyclopedia libere
John Ronald Reuel Tolkien nasceva in Bloemfontein, capital del Libere Stato de Orange (Africa del Sud) le 3 de januario 1892. Su familia migrava a Anglaterra post le morte de su patre, Arthur Tolkien, in 1896. Su matre moriva in 1904. A iste puncto in su vita Francis Morgan, se incarga de su cura e de su education.
Jam al octo o novem annos de etate ille se interteneva inventante linguas. Ille studiava philologia anglese in le Universitate de Oxford, ubi ille se graduava in 1915 con honores.
Durante le Prime Guerra Mundial ille luctava in Francia como officiero in le armea britannic. Un maladia sever le fortiava a resider in un hospital militar durante un longe periodo. Illac ille evadeva le tristessa del recuperation per crear nove historias heroic de un antiquitate fictitie. Istos deveniva le initio de su autorato de fiction e de su proprie mundo phantastic Le Terra Medie.
Ille collaborava con le New English Dictionary. Ille occupava le cathedra de lingua anglese in le Universitate de Leeds e posteriormente in le Universitate de Oxford. Ille primarimente inseniava le anglosaxone e le anglese del vetere medievo, e attingeva un clar distinction academic malgrado su magre production de articulos e essayos scientific; ille placiava qualitate ante quantitate con bon resultatos. Su essayo Beowulf: The Monsters and the Critics super le qualitates particular del poema heroic anglosaxone Beowulf rapidemente deveniva classic pro le philologos del linguas germanic. Etiam su essayo "On Fairy-Stories", sur le ver importantia del literatura phantastic, recipeva grande laude ab le homines de litteras. (Vide sub "Altere obras" in basso.)
Doctor honoris causa per varie universitates (National de Irlanda, Oxford). Vicepresidente del Societate Philologic, membro del Societate Royal de Litteratura.
In 1969, le regina Elizabeth II le donava le Cruce del Imperio Britannic. Ille moriva le 2 de septembre 1973, 81 annos de etate.
Tabula de contento |
[modificar] Libros publicate per J.R.R. Tolkien
- Le Hobbit - Allen & Unwin, 21 de septembre 1937
- Le Folio de Niggle - Dublin Review, januario 1945
- Egidio, le Fermero de Ham - Allen & Unwin, octobre 1949
- Le Senior de Anellos I(Lord of the Rings) - Allen & Unwin, 29 de julio 1954
- Le Senior de Anellos II - Allen & Unwin, 11 de novembre 1954
- Le Senior de Anellos III - Allen & Unwin, 20 de octobre 1955
- Le aventuras de Tom Bombadil - Allen & Unwin, 22 de novembre 1962
- Arbore e Folio - Unwin Books, 28 de maio 1964
- Le Ferrero de Wooton Major - Allen & Unwin, 9 de novembre 1967
- Le Epistolas de Pappa Noël - Allen & Unwin, 2 de septembre 1967
Libros publicate per Cristopher Tolkien (su filio, qui organisava e publicava posthumemente material scribite per J. R. R. Tolkien):
- Le Silmarillion - Allen & Unwin, 15 de septembre 1977
- Contos Inconcluse I - Allen & Unwin, 2 de octobre 1980
- Le Libro del Contos Perdite (parte I) - Allen & Unwin, 27 de octobre 1983
- Le Libro del Contos Perdite (parte II) - Allen & Unwin, 16 de augusto 1984
- Le Baladas de Beleriand (III) - Allen & Unwin, 22 de augusto 1985
- Le Formation del Terra Medie (IV) - Allen & Unwin, 21 de augusto 1986
- Le Cammino Perdite e altere scriptos (V) - Unwin Hyman, 27 de augusto 1987
- Le Retorno del Umbra (VI - 1)]] - Unwin Hyman, 25 de augusto 1988
- Le Tradition de Isengard (VII - 2)]] - Unwin Hyman, 7 de septembre 1989
- Le Guerra del Anullo (VIII - 3)]] - Unwin Hyman, septembre 1990
- Sauron vincite (IX - 4) - HarperCollins Publishers, 6 de januario 1992
- Le Anullo de Morgoth (X) - HarperCollins Publishers, 23 de septembre 1993
- Le Guerra del Joieles (XI) - HarperCollins Publishers, septembre 1994
- Le Gente del Terra Medie (XII) - HarperCollins Publishers, septembre 1996
[modificar] Altere obras
- Beowulf: The Monsters and the Critics. London: Humphrey Milford, 1937.
- "On Fairy-Stories". In Essays presented to Charles Williams. Contributors: Dorothy Sayers, J. R. R. Tolkien, C. S. Lewis, A. O. Barfield, Gervase Mathew, W. H. Lewis. London: Oxford University Press, 1947.
- Informe autobiographic Tolkien on Tolkien 1966
- Disco LP Poems and Songs of Middle-Earth 1968 (Tolkien lege alcun de su proprie poemas)
- Discos LP The Hobbit e The Lord of the Rings posthume 1975 (Tolkien lege extractos de iste obras)
- Libro de imagines Pictures by J. R. R. Tolkien posthume 1979 (Collection de designos de Tolkien)
- Epistolas Letters of J. R. R. Tolkien posthume 1981
[modificar] Vide tamben
- Quenya, lingua fictional de Tolkien
[modificar] Ligamines externe
- http://www.cyberdark.net/biografias.php3?cod=1 (in espaniol)
- http://www.elanillounico.com (in espaniol)
