Gripe

Na Galipedia, a wikipedia en galego.

Índice 1 ¿Qué é a gripe e que a causa? 2 ¿Cales son os síntomas da gripe? 3 ¿A gripe é considerada como unha enfermidade grave? 4 ¿Quen contrae a gripe? 5 ¿Como se prevén a gripe e as súas complicacións? 6 ¿Causa reaccións a vacina? 7 ¿Quen debe ser vacinado contra a gripe? 8 ¿Cómo se trata a gripe e as súas complicacións? 9 Formas de tratar os síntomas da gripe 10 ¿A vacinación antigripal ten efecto inmediato? 11 ¿A vacina pode causar gripe ou algunha reacción? 12 ¿Como se transmite a gripe para seren tan frecuente? 13 ¿Cal é a mellor época para administrar a vacina antigripal? 14 ¿Por qué se ten que vacinar cada ano? 15 ¿As mulleres embarazadas poden recibir a vacina antigripal? 16 ¿Quen non ten que ser vacinado contra a gripe? 17 ¿Qué causa os catarros e a gripe?

[editar] ¿Qué é a gripe e que a causa?

É una enfermidade respiratoria, infecciosa e contaxiosa causada polo virus influenza. Os virus da gripe afectan moitas partes do corpo incluíndo os pulmóns.

[editar] ¿Cales son os síntomas da gripe?

• Sentirse débil e cansado.
• Ter febre. A febre sube rápido e pode acender achegándose ós 40º.
• Ter tos seca e/ou estornudo.
• Ter calafríos.
• Dores musculares (brazos e pernas).
• Dores de cabeza serios.
• Ardor de ollos.
• Dor de garganta.
• Perda do apetito.
• Dor de costas.
• Ter náuseas.

Cando a gripe afecta ós pulmóns, o recubrimento das vías respiratorias dánase, os tecidos hínchanse e inflámanse. Por sorte este dano case nunca é permanente.

[editar] ¿A gripe é considerada como unha enfermidade grave?

Na maioría dos nenos e dos adultos sáns, a gripe é unha enfermidade moderadamente grave. A maioría das persoas recupérase en menos dunha semana.

Para as persoas que non están sás antes de contraela, a gripe pode ser moi grave e ata mortal. Os síntomas descritos antes poden ter un maior impacto nestas persoas e ademáis poden ter complicacións.

[editar] ¿Quen contrae a gripe?

Calquera persoa pode contraer a gripe, especialmente cando hai moitos casos de gripe na comunidade. As persoas que non están sás ou de saúde débil son especialmente susceptibles ás complicacións que pode ter a gripe. Estas persoas son consideradas como “de alto risco”.

Para todos os que están no grupo de alto risco a gripe é unha enfermidade moi grave. É posible que vostede esteña en alto risco se:

• Ten unha enfermidade crónica dos pulmóns, asma, enfisema, bronquite crónica, tuberculose ou fibrosis quístita.
• Ten unha enfermidade do corazón.
• Ten unha enfermidade crónica dos riñóns.
• Ten diabete ou outro trastorno crónico do metabolismo.
• Ten anemia pronunciada.
• É maior de 65 anos.
• Enfermidades ou condicións que diminúan as defensas. Por exemplo, en pacientes de cancro que reciben quimioterapias ou enfermos do SIDA.
• Mulleres embarazadas con enfermidades de alto risco.
• Traballadores de cuidados da saúde.

[editar] ¿Como se prevén a gripe e as súas complicacións?

A gripe pódese previr pola aplicación da vacina contra a gripe dese ano. A vacina prepárase todos os anos para que conteña os virus da gripe que, segundo as predicións, causarán a enfermidade ese ano.

[editar] ¿Causa reaccións a vacina?

A maioría das persoas teñen unha reacción moi leve, ou ningunha reacción, á vacina. Unha de cada 4 persoas pode ter hinchazón, enroxecemento e algo de dor no lugar que lla puxeron. Un número moito menor de persoas, probablemente máis de nenos que de adultos tamén poden ter unha febre leve dentro das 24 horas. Estas persoas poden ter calafríos, dor de cabeza ou malestar xeral.

[editar] ¿Quen debe ser vacinado contra a gripe?

• personas maiores de 50 anos

• nenos e adultos con: enfermidades cardíacas ou pulmonares crónicas (incluíndo asma), diabete, enfermidades renais, cancro, inmunodeficiencia. Nenos con frecuentes infeccións das vías respiratorias.

• persoas que están en contacto directo co público:
• médicos, enfermeiras, dentistas, voluntarios ó coidado da saúde, membros dunha familia onde hai persoas de alto risco, empregados de oficinas, recepcionistas, telefonistas. Calquera persoa que non queira faltar ás súas actividades cotiás como traballo ou estudios, ou a un evento único como: vodas, reunións, vacacións.

[editar] ¿Cómo se trata a gripe e as súas complicacións?

Nos casos da gripe sen complicacións, o médico probablemente recomendaralle que permaneza en cama na súa casa na etapa máis intensa da enfermidade, e tal vez un ou dous días despois de non ter xa febre. Algúns medicamentos comúns, como acetaminophen, empréganse para tratar a febre e as dores causadas pola gripe.

[editar] Formas de tratar os síntomas da gripe

• quedarse na casa e descansar, especialmente con febre
• parar de fumar e evitar o fume
• beber líquido abondo: auga, zume de froita e sopas
• non beber alcohol
• facer gárgaras de auga tibia con sal, unhas cantas veces ó día para aliviar a garganta dolorida
• usar gotas de auga salgada no nariz, para axudar a suavizar a mucosidade

[editar] ¿A vacinación antigripal ten efecto inmediato?

A protección é efectiva aproximadamente 2 semanas despois da vacinación e persiste arredor dun ano. O nivel máis alto de protección acádase 4-6 semanas despois da vacinación.

[editar] ¿A vacina pode causar gripe ou algunha reacción?

A vacina non pode causar gripe, pois contén só partículas de virus inactivos.

[editar] ¿Como se transmite a gripe para seren tan frecuente?

A gripe é unha das enfermidades máis contaxiosas do mundo. Transmítese de xeito moi doado de persoa a persoa polo estornudo, e a tos.

En individuos sanos, a eficacia da vacinación chega ó 89%. A pesar da vacinación, algunhas persoas poden presentar episodios de gripe, pero con síntomas moi leves. Ademais, existen outros virus que poden provocar síntomas semellantes a unha gripe e nestes casos a vacina antigripal non protexe.

[editar] ¿Cal é a mellor época para administrar a vacina antigripal?

Recoméndase aplicar a vacina durante o outono de cada ano (entre setembro e decembro)

[editar] ¿Por qué se ten que vacinar cada ano?

Os virus da gripe son virus mutantes, é dicir, cambian ano tras ano. É importante entón recibir cada ano unha vacina actualizada, con unha nova fórmula, que contén as tres cepas de virus que máis circulan.

[editar] ¿As mulleres embarazadas poden recibir a vacina antigripal?

Con indicación médica, recoméndase a aplicación da vacina despois do terceiro mes de xestación.

[editar] ¿Quen non ten que ser vacinado contra a gripe?

Calquera persoa con hipersensibilidade ó ovo ou a calquera compoñente da fórmula non debe recibir a vacina contra a gripe.

[editar] ¿Qué causa os catarros e a gripe?

Os virus. Non hai tantos virus que causen a gripe, por eso hai unha vacina contra a gripe.