Festa gastronómica
Na Galipedia, a wikipedia en galego.
Galicia é ben coñecida na Península Ibérica polo seu bo comer e moitas das súas festas teñen esta motivación. As festas de exaltación gastronómica foron fomentadas co réxime franquista tras pasaren os efectos de racionamento da guerra civil española, e mesmo se declararon algunhas de interese turístico nacional (a do pemento da Arnoia ou a do polbo do Carballiño). A Xunta de Galicia seguiu con esta política e popularizáronse festas coma a do cocido de Lalín. É tal a cantidade de festas que a tradición popular di que non hai parroquias sen a súa festa gastronómica (o cal non é certo) e que non hai día sen festa gastronómica nalgún lugar de Galicia (o cal probablemente si é verdade).
Índice |
[editar] Primeiro trimestre
DATA | PRODUTO | CONCELLO | PROVINCIA |
4 de febreiro | Chourizo | Vila de Cruces | Pontevedra |
Domingo anterior ó antroido | Cocido Galego | Lalín | Pontevedra |
Domingo de antroido | Androia ou botelo | Viana do Bolo | Ourense |
Domingo de antroido | Grelos | As Pontes de García Rodríguez | A Coruña |
Febreiro (variable) | Queixo de tetilla | Antas de Ulla | Lugo |
[editar] Segundo trimestre
Domingo da piñata | Filloa | Lestedo, Boqueixón | A Coruña |
Primeiro domingo de marzo | Queixo de tetilla | Arzúa | A Coruña. |
Terceiro domingo de marzo | Queixo de tetilla | Friol | Lugo |
Ultimo domingo de marzo | Caldo galego | Mourente (Pontevedra) | Pontevedra. |
Marzo (variable) | Orella de porco | Sales (Vedra) | A Coruña. |
Marzo ou maio (variable) | Augardente da Ulla | Ribadulla (Vedra) | A Coruña. |
Marzo ou abril (variable) | Viño de Amandi, da Ribera Sacra | Chantada e Quiroga | Lugo. |
Ultimo sábado de abril | Cogumelo | Ordes | A Coruña |
De finais de abril a comezos de maio | Viño do Ribeiro | Ribadavia | Ourense |
Durante o mes de Abril (variable) | Lamprea | Arbo | Pontevedra |
Véspera de San Lázaro | Lamprea | Pontecesures | Pontevedra |
Semana Santa | Viño do Rosal (dentro do Rias Baixas) | O Rosal | Pontevedra. |
Sábado Santo | Empanada de Lamprea | Padrón | A Coruña |
Domingo de Pascua | Rosquilla | Abades (Silleda) | Pontevedra. |
Domingo de Pascua | Ostras | Arcade (Soutomaior) | Pontevedra |
Domingo de Pascua | Auguardente | Portomarín | Lugo |
Domingo de Pascua | Meixón (cría da anguía) | Tui | Pontevedra |
1 de maio | Filloa | Muimenta (Cospeito) | Lugo |
1 de maio | Troita | A Pontenova | Lugo. |
Segundo domingo de maio | Choco | Redondela | Pontevedra |
Terceiro domingo de maio | Salmón | A Estrada | Pontevedra |
Terceiro domingo de maio | Melindres | Melide | A Coruña. |
Ultimo domingo de maio | Galo de Curral | Vila de Cruces | Pontevedra |
Ultimo domingo de maio | Festa da troita | Ponte Caldelas | Pontevedra |
Primeira fin de semana xuño | Viño tinto do Salnés | Barrantes (Ribadumia) | Pontevedra |
Segunda fin de semana xuño | Cereixa | Beade (Vigo) | Pontevedra. |
Ultimo sábado de xuño | Roscón de xema | A Guarda | Pontevedra. |
Primeiro domingo de maio | Troita | Oroso | A Coruña. |
No entanto, as celebracións concéntranse nos meses intermedios do ano debido a que no hemisferio norte é verán. Inda que pareza estraño, os emigrantes galegos en América do sur que buscan recuperar os seus costumes realízanas contra fin de ano. En realidade non se trata de xuntarse para comer, senón de comer para xuntarse. Na actualidade, coa crecente urbanización de Galicia, as festas gastronómicas non son máis ca unha substitución (ás veces un remedo mal logrado) das romerías que levan xuntando ás parroquias veciñas durante séculos. Xa nas cantigas de amigo da época medieval aparecían as xuntanzas nun subxénero específico: a cantiga de romería. Esta tradición está tan arraizada na sociedade galega que mesmo no proceso de aculturación actual vive nun esplendor que xa desexarían outros fenómenos tradicionais.
[editar] Terceiro trimestre
Como se pode comprobar, os alimentos exaltados van facéndose cada vez de dixestión máis pesada a medida que vai chegando o inverno: cocido, capón, androia, chourizo,... Isto débese ás esixencias alimentarias do clima, que piden unha comida máis enerxética. Inda así, por moito que pareza que en Galicia (e no norte ibérico en xeral) se comen moitas graxas, as esaxeradas excelencias da chamada dieta mediterránea non evitan que sexa a España verde onde menos obesidade se rexistra.
Asemade tamén van aparecendo nestes meses produtos de tempada, que aparecen especialmente nesta época: queimada (trala vendima), cogumelos, castañas, etc., loxicamente coincidindo coa etapa anual de máxima produción.
[editar] Cuarto trimestre
DATA | PRODUTO | CONCELLO | PROVINCIA |
Segunda fin de semana outubro | Pataca | Coristanco | A Coruña |
Segunda semana de outubro | Marisco | O Grove | Pontevedra |
Domingo anterior al 9 de outubro | Faba | Lourenzá | Lugo |
Ultimo domingo de outubro | Vieira | Bueu | Pontevedra |
1 de novembro | Cogumelos | As Pontes de García Rodríguez | A Coruña |
11 de novembro | Castañas asadas | Ourense | Ourense |
Penúltimo domingo de novembro | Festa do Cabazo | Vigo | Pontevedra |
21 de decembro | Capón | Vilalba | Lugo |