Lamborghini
El Vikipedio
Automobili Lamborghini S.p.A /lamborgini/ [ˌlamborˈgiːni] estas itala aŭtomobila firmao, kiu ekde 1964 fabrikas sportaŭtojn. La sidejo de la firmao estas Sant'Agata inter Bologna kaj Modena. La firmemblemo estas bataltaŭro. Depost 1998 la firmao estas parto de grupo Audi.
[redaktu] Historio
1948 Lamborghini fondiĝis en Centro en Italio de Ferruccio Lamborghini (1916 ĝis 1993) kiel traktorfabrika firmao.
En 1959 ankaŭ bruliloj kaj klimatiziloj fabrikiĝis.
En 1963 la firmao komencis fabriki sportaŭtojn.
En 1964 estis produktitaj la unuaj ekzempleroj de la legenda modelo 350 GTV kun dek du cilindroj.
Depost 1971 Lamborghini produktas motorojn por vetkurboatoj potencaj je ĉirkaŭ 1000 ĉevalpovoj.
En 1972 la firmao ekhavis monajn problemegojn kaj Ferruccio LAMBORGHINI vendis la traktoran parton de sia firmao al la Same Group kaj la sportaŭtan parton ŝanĝadis la posedantojn jene:
- Ferruccio Lamborghini (1963 ĝis 1972)
- Georges-Henri Rossetti kaj René Leimer (1972 ĝis 1977)
- bankrota (1977 ĝis 1984)
- Patrick Mimran (1984 ĝis 1987)
- Chrysler (1987 ĝis 1994)
- Megatech (1994 ĝis 1998)
- grupo Audi ene de la koncerno Volkswagen (de 1998)
