La Hulpe

El Vikipedio

Mapo de la komunumoj en la provinco

Bazaj informoj
Provinco: Valona Brabanto
geografia situo: 50°43'N; 4°29'E ^Mapo
areo: 15,60 km²
loĝantoj: 7.248 (2004-01-01)
loĝdenso: 465 loĝantoj/km²
horzono: GMT+1h (+2h de aprilo ĝis oktobro)
poŝtkodo: 1310

Biendomo de La Hulpe

La Hulpe (france: [La ULP]; nederlande: Terhulpen; valone: L' Elpe) estas municipo kaj komunumo situata en la belga provinco de Valona Brabanto.

[redaktu] Historio

La plej frua evidentaĵo de homara enloĝo estas polurita silika hakilo trovita en la regiono, datata ĉ. -15.000 — -10.000.
La nomo La Hulpe venas el la kelta vorto Helpe signifanta "argenta rivero", kiu donis la nomon L'Argentine al la trapasanta rivereto.
La Dukoj de Brabanto kreis la urbeton post la kultivebligo de parto de la Arbaro de Soignes (Forêt de Soignes) en la Mezepoko.
1226, la preĝejo estis citata unua-foje en dokumento, depost kiam ĝia navo kaj turo apenaŭ ŝanĝis.
1230, je la 3-a de junio, La Hulpe akceptis, de la manoj de Henriko la 1-a, Duko de Brabanto, la ĉarton kiu instituis ĝin kiel ville franche (libera urbo), kaj altigis ĝin al ĉefmagistratejo por alta kaj malalta justico.
1530, la unua papermuelejo instaliĝis laŭlonge de la "Grand Etang" (la Granda Lageto). La kresko de tiu industrio dum kvar jarcentoj, estis pro la abundo de pura akvo, kaj la apudeco de Bruselo.
1664, Filipo la 2-a, Reĝo de Hispanio, rajtigis la kreadon de la "Manufacture Impériale et Royale du Papier" (Imperiala kaj Reĝa Fabriko de Papero) en La Hulpe. Tiu industrio ekzistadis tie ĝis 1970, jaro de malpliiĝo pro la ekonomika krizo.
1830, post la sendependeco de Belgio, La Hulpe perdis ĝiajn politikan kaj administran rolojn, kaj asimiliĝis en la kantonon de Wavre.
1854, la fervojo atingis La Hulpe.
1914, dum la Unua mondmilito, germanoj okupaciis la "Château de Solvay" (Biendomo de SOLVAY).
1918, la Armistico. Kanadaj kaj skotaj trupoj loĝis en la biendomoj.
1940, dum la Dua mondmilito, denove la germanoj okupis la biendomojn.
1944, lokaj rezistantoj liberigis sian urbeton, unu semajno antaŭ la alveno de la usona armeo.
1962, fina determinigo de la lingvistika landlimo.

[redaktu] Diversaĵoj

La ĉefstabejo de SWIFT situas en La Hulpe.

[redaktu] Fontindikoj

La Hulpe, Moissons d'Histoire, Cercle d'Histoire de La Hulpe, 2001

[redaktu] Ekstera ligilo

Oficiala retejo de la komunumo (france)

	Valona Brabanto
Beauvechain \| Braine-l'Alleud \| Braine-le-Château \| Chastre \| Chaumont-Gistoux \| Court-Saint-Etienne \| Genappe \| Grez-Doiceau \| Hélécine \| Incourt \| Ittre \| Jodoigne \| La Hulpe \| Lasne \| Mont-Saint-Guibert \| Nivelles \| Orp-Jauche \| Ottignies-Louvain-la-Neuve \| Perwez \| Ramillies \| Rebecq \| Rixensart \| Tubize \| Villers-la-Ville \| Walhain \| Waterloo \| Wavre
Belgio \| Provincoj