Dinan

El Vikipedio

Dinan kaj ĝiaj muroj

Dinan

urbo de Francio

48° 27' 23" N, 2° 2' 56" E ^Mapo

Regiono

Bretonio

Departemento

Côtes d'Armor
(subprefektejo)

Kantono

ĉefurbo de 2 kantonoj

Loka registaro

{{{registaro}}}

Urbestro

René Benoit (2001-2008)

Areo

3,98 km²

Alto super maro

7m - 92m

Loĝantoj

10907 1999

Loĝdenso

2740 loĝ./km²

Ĝemelurboj

Dinant (Belgio)
Exmouth (Britio)

Horzono

GMT+1h (+2h somere)

Poŝtkodo

22100

Kodo laŭ INSEE

22050

Dinan (en la bretona Dinan) estas urbo de Francio, kiu troviĝas en la departemento de Côtes-d'Armor kaj la regiono Bretonio. Tiu urbo havas faman kastelon kaj tre belan urbmuregon.

[redaktu] Geografio

Dinan troviĝas en tre bela loko. Malkiel la urbo Morlaix, kiu troviĝas en valo, Dinan disvolviĝas sur la monteto, antaŭ la rivero Rance.

[redaktu] Historio

Monteto de Dinan, Bretonio

La historion de Dinan oni konas ekde la 11-a jarcento, kvankam la loko sendube estis okupita ekde la antikvo. Tiutempe Dinan estis vilaĝo en kiu troviĝis monaĥinejo benediktina. Unu el la fragmentoj de la tapiŝo de Bayeux elvokas la detruon de ligna palisaro far Vilhelmo la Konkerinto. En la 12-a jarcento, araba geografo menciis Dinan en siaj verkoj, indikanta ĝian prosperon kaj la ĉeeston de ĉirkaŭa ŝtonmuro. Ĉi tiu fortikaĵo estos firmigata ĝis la 15-a jarcento.

Organizita ĉirkaŭ la paroĥoj Saint-Malo kaj Saint-Sauveur, Dinan estas aĉetita en 1283 de la duko de Bretonio Johano la Rufulo. Tiutempe la urbo ricevis la muregon (la remparojn) kiujn oni nun konas. La turoj de Asignita, Vaucouleurs, Sankta Julien, Beaufort, la Connétable, Coëtquen, Penthièvre, Longa kaj Sankta Katarina troviĝas ĉirkaŭ la malnova urbo.

Tiu ĉirkaŭa vojo estas akoraŭ sendifekta je 2600 metroj. Ekzistas ankoraŭ la pordoj de Jerzual, Saint-Malo, Brest, Rebat kaj Saint-Louis. En 1357, je la tempo de la milito de sinsekvo de la Dukejo de Bretonio, Bertrand de Guesclin defendis sukcese la urbon sieĝitan de la anglaj trupoj. Li alfrontas Thomas de Canterbury en eksterordinara batalo kaj venkis. En 1364, post kelkaj malsukcesaj provoj, la duko Johano la 4-a sukcesis preni denove la regon de la urbo kaj tiam konstruis la turegon de la dukino Anne. Kiel ĉiuj aliaj Bretonaj urboj, Dinan estas definitive alligita al la Regno de Francio fine de la 15-a jarcento.

[redaktu] Konstruaĵoj

La preĝejo Saint-Malo en Dinan

Kastelo-muzeo de Dinan kaj la remparoj
Saint-Malo-preĝejo: konstruado daŭris de la fino de la 15a jarcento ĝis la fino de la 19a jarcento. La preĝejo, kies stilo estas gotika kaj renesanca, estas precipe fama pro siaj fenestroj de la komenco de la 20a jarcento kaj pro la orgeno kaj ties diverskoloraj tuboj, fabrikita en Oldknow (Britio) en 1889.
Horloĝ-turo: tiu sonorilturo de la 15a jarcento, 45 metrojn alta, estas simbolo de la prospero de la urbo. Ĝi ankoraŭ enhavas la sonorilon, kiun oferis la dukino Anne.
Monaĥejo de Cordeliers: fondiĝis en la 13-a jarcento. La aktualaj konstruaĵoj konstruiĝis ekde la 15-a jarcento. La monaĥejo loĝigis la Ŝtatoj Ĝeneralaj de Bretonio en 1573 kaj 1634. Renovigita dum la 19-a jarcento, ĝi nun estas privata lernejo.