Арыстоцель
Зьвесткі зь Вікіпэдыі — вольнай энцыкляпэдыі.
Арысто́цель (Арысто́тэль) (ст.-грэцк. Αριστοτέλης;) (384 да н. э., Стагір – 322 да н. э., Халкіда на Эўбеі) — старажытнагрэцкі філосаф і вучоны, стваральнік асобнай філасофскай плыні і фармальнай логікі.
Зьмест |
[рэдагаваць] Біяграфія
Паходзіў з высакароднай сям’і (бацька — Нікамах быў лекарам македонскага караля Аміны ІІІ, маці — Фестыда). Арыстоцель рана страціў бацькоў. У 18-гадовым узросце пачаў жыць у Афінах, дзе захапіўся лекцыямі Платона. У хуткім часе адасобіўся для незалежных філасофскіх разважанняў. У 343 годзе да н. э. македонскі кароль Філіп (Піліп) даверыў Арыстоцелю выхаванне свайго сына Аляксандра (будучы Аляксандр Македонскі). Выхаванне працягвалася каля трох-чатырох гадоў, пасля яго заканчэння Арыстоцель быў шчыра ўзнагароджаны праз караля. У 334 годзе да н. э. Арыстоцель заснаваў у Афінах сваю школу ў ліцэі, якая атрымала назву перыпатэтычнай. Пасля смерці Аляксандра Македонскага жыхары Афінаў паднялі паўстанне для ўзнаўлення незалежнасці. Арыстоцель праз свае былыя стасункі з Македоніяй не карыстаўся сімпатыяй у афінян. Адчуваючы пагрозу ў сваім далейшым прабыванні ў Афінах, Арыстоцель перасяліўся ў Халкіс на Эўбеі дзе і памёр у 322 годзе да н. э..
[рэдагаваць] Творы
Творы Арыстоцеля, якія цалкам або часткова дайшлі да нашага часу: «Катэгорыі», «Аб тлумачэнні», «Першыя аналітыкі», «Другія аналітыкі», «Топіка» «Аб сафістычных абвяржэннях» «Фізіка» «Аб паходжанні і знішчэнні «Аб небе» «Метыяралогіка» «Гісторыя жывёл» «Аб частках жывёл» «Аб узнікненні жывёл» «Аб руху жывёл» «Пра душу» «Нікамахава этыка» «Эўдэмава этыка» «Палітыка» «Афінская палітыя» «Рыторыка» «Паэтыка».
[рэдагаваць] Філасофскія погляды Арыстоцеля
Арыстоцель лічыў, што ўсе рэчы, якія рэальна існуюць, створаны з формы і матэрыі. Паводле яго, матэрыя — субстанцыя без формы, якая з’яўляецца матэрыялам для ўсіх рэчаў. Форма ж робіць матэрыю нейкім канкрэтным прадметам, іншымі словамі — гэта сутнасць кожнай рэчы. Форма не можа існаваць без матэрыі і наадварот. Пачаткам усяго існага з'яўляецца Бог.
[рэдагаваць] Вонкавыя спасылкі
Арыстоцель — сховішча мультымэдыйных матэрыялаў