Obaöstareich
Aus Wikipedia
| Laundesflaggn | Laundeswåppn |
|---|---|
 |
 |
| Grundlegende Såchan | |
| Laundeshauptstådt: | Linz |
| Greßte Stådt: | Linz |
| ISO 3166-2: | AT-4 |
| Homepage: | www.land-oberoesterreich.gv.at |
| Kårtn: Obaöstarreich in Östarreich | |
 |
|
Obaöstarreich (åida Naum: Erzherzogtum Östarreich ob da Enns) is a Bundeslaund in da Republik Östarreich. Es grenzt an Baian (Oba- und Niadabaian) in da Bundesrepublik Deitschlaund, an Tschechien und an de östarreichischen Bundeslända Niedaöstarreich, Steiamårk und Såizburg. Obaöstarreich håd a Flächn va 11.981,92 km² und 1,3 Millionen Êîwohna und is somid va da Greß und va de Leit des drittgreßte Bundeslaund.
Inhaltsverzeichnis |
[dro wärkln] Historie
Da behmische Kini Ottokar II. håd 1254 im Friedn va Ofen und daun im Friedn va Wean 1261 en Traungau va da Steiamork, zua dera er vorher ghert håd, åtrennt und håd aus eam und aus de umliegendn Laundstrich s Fürtentum ob da Enns gmåcht. Waun ma dem Geschichtsforscha Julius Strnadt glaubm derf, is des Joar 1261 woarscheinli des Geburtsjoar vam Laund ob da Enns. In Joar 1264 is da Naum Austria superior (Obaöstarreich) oda supra anasum (ob da Enns) des erscht Måi urkundlich aufkemma und Konrad va Sumarau is åis Laundrichta va da Provinz gnennt woan.
Va 1490 âû håd des Tåufürstntum Östarreich ob da Enns a gwisse Söbstständigkeid im "Heilign Römischen Reich Deitscher Nation" ghåt. Seid dera Zeid haum de boarischen Ständ vam Tåufürstntum a poar Laundtåg in Linz åghåidn. Nêm de Herrn, de Ritta und de Prälatn haum då a de laundesfürtlichn Städt a wichtige Roin gspüit. Va 1530 âû håd de Reformation Eînzug ghåiden, 30 Joar späda woan de mehran va de boarischen Obaöstarreicha schâû evangelisch. Ba da Habsburgischn Ländatåulung va 1564 is Obaöstarreich midanaund mid Niedaöstarreich und de behmischn Lända zu da Hausmåcht vam römisch-deitschen Kaisa Maximilian II. kema. Nå n'Joar 1600 håd untan Kaisa Rudoif II und sen Nåchfoiga Matthias de Gegnreformation âûgfaungt. Wegn dem san de Ständ va Obaöstarreich 1619 a Bündnis mid de behmischn Lända êîgaunga. In Auftråg van Kaisa Ferdinand II. haum Soidådn vam boarischn Kurfürstn Maximilian 1620 gegn de Aufständischn Kriag gfiaht. Nå da Niedalåg is des Fürstntrm daun fir a poar Joar unta d'Herrschåft vam Maximilian kema. De evangelischen Adelign haum se aussuacha kinna, obs konvatiern oda s'Laund valåssn. Gegn de boarische Besåtzung is 1626 da Bauankriag untam Stephan Fadinger ausbrocha.
1779 is im Friedn va Teschen des Înnvierdl, des vorher zu Baian ghert håd zu Obaöstarreich dazua kema. Untam Napoleonischen Kriag ist Obaöstarreich efta va franzesische Soidådn bsetzt woan. De Laundeshauptstådt Linz håd va 1814 bis 1854 a Såizburga Laund vawåitet. 1918, nån Ersten Wödkriag und wia Donaumonarchie vanaundgfåin is, is Obaöstarreich va da neichn deitschen Republik Östarreich åis offiziella Naum va da Region festglegt woan. Ôâ Joar nåchdem de Deitschn am 13. März 1938 in Östarreich êîmarschiert sand, is am 1. Mai 1939 da Reichsgau Obadonau gegründet woan, zu dem a de südbehmischen Gebiete (südliches Sudetnlaund) und s'Aussea Laund ghert håd. Nån Zweitn Wödkriag is Obaöstarreich mit da åidn Grenz wiedahergstödt und a Bundeslaund va da Republik Östarreich woan.
[dro wärkln] Verwåitung
Obaöstarreich wird traditionell in vier Vierdl êîtåut, s'Hausruckvierdl, s'Înnvierdl, s'Mühvierdl und s'Trâûvierdl. Heitzutågs wird meistns da Bereich zwischn de Städt Linz, Efading, Wös, Steyr und Enns als Obaöstarreichischa Zentralraum gnennt. Nem da åidn Êîtåulung wird heint a s'Trâûvierdl in Såizkaummaguat, de Region Pyhrn-Eisenwurzn undn Zentralraum auftrennt.
Laut da Verwåitungsêîtåulung gliedat si des Bundeslaund in 3 Statutarstädt und 15 politische Bezirke.
Obaöstarreich grenzt auf oana Läng va 321 km an Deitschlaund und Tschechien.
[dro wärkln] Statutarstädt
- Linz (L)
- Steyr (SR)
- Wös (WE)
[dro wärkln] Bezirke
- Braunau am Inn (BR)
- Efading (EF)
- Freistådt (FR)
- Gmundn (GM)
- Grieskirchn (GR)
- Kirchdorf an da Krems (KI)
- Linz-Laund (LL)
- Perg (PE)
- Riad im Înnkreis (RI)
- Rohrbåch (RO)
- Schärding (SD)
- Steyr-Laund (SE)
- Urfahr-Umgebung (UU)
- Vöcklabruck (VB)
- Wels-Laund (WL)
[dro wärkln] Wichtige Städt in Obaöstarreich
Linz (Laundeshauptstådt), Wös, Steyr, Leonding, Vöcklabruck, Gmundn, Braunau am Inn, Riad im Înnkreis, Enns, Freistådt, Rohrbåch in Obaöstarreich, Båd Ischl, Trâû, Schärding, Aunsfödn, Mårchtrenk, Efading, Mattighofn, Båd Håi;
[dro wärkln] Laundeshymne
De Laundeshymne va Obaöstareich is da Hoamatgsaung. Des Liad is 1841 vam Franz Stelzhammer in obaöstarreichischa Mundårt gschriem woan. De Melodie is vam Hans Schnopfhagen. Da Hoamatgsaung is 1952 vam obaöstarreichischen Laundtåg zur Laundeshymne erklärt woan.
