Quimia

Un article de Wikipèdia, l'enciclopèdia liura.

Aqueste article es un esbòs concernent la quimia, Podètz partejar vòstras coneissenças en lo modificant.

La quimia es la sciéncia qu'estudia la composicion e las reaccions de la matèria.

Existís pas de frontièra clarament definida entre la fisica e la quimia, mas, son considerats generalament coma dependent de la quimia, los fenomèns provocats per las reaccions entre los constituents de la matèria e qu'entraïnan una modificacion de las ligasons entre los atòms. Segon la natura d'aquestas ligasons, aquestes fenomèns implican entre los atòms d'escambis o mesas en comun d'electrons, o de las fòrças electrostaticas.

Los nivèls d'energia meses en òbra dins los fenomèns quimics fan que sols los electrons periferics son concernits. Al delà, se dintra dins la fisica dels plasmàs, e mai dins la fisica nucleara amb l'implicacion del nuclèu atomic.

A las escalas inferioras a la de l'atòm, l'estudi de las particulas elementaras e de lors interaccions es una part de la fisica de las particulas.

Las principalas disciplinas de la quimia son :

la quimia fisica (o quimia generala), que son objècte es l'estudi de las leis fisicas dels sistèmas e procediments quimics ; sos principals domenis d'estudi comprenon : la termoquimia, la cinetica quimica (o mecanica quimica), l'electroquimia, la radioquimia ;
la quimia analitica, que son objècte es l'analisi dels materials per determinar e comprendre lor composicion quimica e lor estructura ;
la quimia organica, concernent la descripcion e l'estudi del carbòni e dels compausats organics ;
la quimia minerala, concernent la descripcion e l'estudi dels elements quimics e dels compausats inorganics.

[Modificar] Istòria

veire l'article detalhat : Istòria de la quimia

Veire tanben los articles alquimia e descobèrta dels elements quimics, e tanben las biografias dels sabents franceses e estrangièrs repertoriats dins los articles : categoria : quimista o quimistas celèbres.

[Modificar] Concèptes de basa

acid - adsorpcion - aliatge - amfolita - atòm - basa (quimia) - catalisador - ceramica - compausat quimic - corrosion - gra d'oxidacion - dilucion - eqüacion quimica - electronegativitat - idrolisi - ion - isotòps - metal - molecula - oxidant - oxido-reduccion - pH - polimèr - reaccion quimica - reductor - tampon

[Modificar] Quimia e literatura

Lo Sistèma periodic de Primo Levi compòrta vint-e-un capítols que lors títols correspondon a un element del tablèu de Mendeleev, que relata la vida professionala de l'escrivan, d'anecdòtas autobiograficas o de novèlas cortas sul tèma de la quimia.