Physik
From Wikipedia
Physik (greeksch: physica=Natur) is de Wetenschop vun de Materie, ehr Egenschop un ehr Verholl in Ruum un Tiet. Physik warr sehn as de grondliggend Natuurwetenschop, dat vun anner Wetenschoppen as de Chemie ellers de Inschenörwetenschops in Delen brukt warr.
De grondliggend Methodens vun de Physik sün dat Experiment un de Mathematik. Physikalisch Theorien warrn in de Spraak vun de Mathematik formuleerd. Experimente gifft Hints dorup, wat Theorie de korrekt Beskriven vun de Wirklichkeit gifft.
Physik is een quantitativ Wetenschop. De Experimente meten Greuten as Tiet, Länge, Masse, Temperatur, Elektrisch Lodung, Lichtstark ellers Tüchschoof. Annere warrn dorut met mathemaatsche Methodens affleidet, dat is utrekent, so to'n Bispeel Impuls un Energie.
De modern Physik liet all Vörgäng vun veer Grundkräft af:
- Gravitatschoon
- elektromagnetisch Wesselwirkung
- swach atomar Wesselwirkung
- stark atomar Wesselwirkung
Ünnergruppens vun de Theoretisch Physik sün:
- Klassche Mechanik
- Optik
- Akustik
- Bülgenlehr
- Thermodynamik
- Statistsche Mechanik
- Elektromagnetismus
- Quantenmechanik
- Relativitätstheorie
- Quantenfeldtheorie
- Mathematsche Physik
- theoretsche Atomphysik
- theoretsche Fasttrünnelphysik
- theoretsche Kernphysik
- Stringtheorie
Ünnergruppens vun de anwandt ellers experimentell Physik sün:
- Deelkenphysik
- Gaumookerphysik
- Atomphysik, Molekularphysik, kiek ook bi Atom un Molekül
- Fasttrünnelphysik
- Karnphysik
- Reaktorphysik
- Laserphysik
- Plasmaphysik
- Quantenelektronik
- Astrophysik, kiek aver og bi Astronomie
- Eerdphysik, wat een Deel von de Eerdwetenschoppen is
