Offesjeel taol
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
'n Offesjeel taol is 'n taol die door e land of organisatie tot standaard is verkoze.
Neet allein len, meh ouch intergouvernementele organisaties wie de Vereinigde Naties en multinationals (wie Philips) höbbe ein of mierdere offesjeel taole.
'n Offesjeel taol heet daomèt 'nen aandere status es 'n dialek.
Inhawd |
[bewirk] Nederland
Nederland heet in princiep ein offesjeel taol, 't Nederlands. Daoneve is in de provincie Friesland 't Fries een offesjeel taol, boe euverheidsdokuminte in opgestèld kinne weure. Ouch in bestuur en rechspraak kin vaan 't Fries gebruuk gemaak weure. 't Offesjeel Nederlands in Nederland hèt Standaardnederlands. De Taolunie (same mèt Belsj en Suriname) zörg veur de zjuste vörm vaan 't Nederlands.
[bewirk] Belsj
Belsj kint drei offesjeel taole: 't Nederlands, 't Frans en 't Duits. De Taolunie (samen mèt Nederland en Suriname) zörg veur de zjuste spelling vaan 't Nederlands.
[bewirk] Europese Unie
De Europese Unie heet twintig offesjeel taole, zuuch ouch taole vaan de Europese Unie. Daoneve heet 't Iers de status vaan verdragstaol, wat wèl zegke dat alle verdrage naor 't Iers vertaold mótte weure.
[bewirk] Vereinigde Naties
De Vereinigde Naties hanteert zes offesjeel taole: 't Arabisch, 't Sjinees (Mandarijn), 't Ingels, 't Frans, 't Rössisch en 't Spaons.
[bewirk] Bedrijfsleven
Vaol Nederlandse multinationals hantere Ingels es hun offesjeel taol.
