G. Iulius Caesar Octavianus Augustus

E Vicipaedia

Augustus

Gaius Iulius Caesar Octavianus Augustus sive Augustus (23 Septembris 63 a.C.n. – 19 Augusti 14) primus imperator Romanus fuit.

[recensere] Natio et adoptio

Statua equestris (fragmentum) Octavi Augusti, Museum nationale archeologicum Athenarum

Augustus Romae aut Velitrarum natus est nomine Gaius Octavius Thurinus. Pater eques et gubernator Macedoniae erat. Atia mater sororis filia erat Iulii Caesaris, qui anno 46 a.C.n. Octavium adoptavit et eum Gaium Iulium Caesarem Octavianum appellavit.

Cum Caesar necatus sit 15 Martii 44 a.C.n., Octavianus exercitum conscripsit et cum Marco Antonio et Marco Lepido iunxit. Hic triumviratus Roma sicarios expurgavit.

Deinde anno 42 a.C.n. Antonius Octavianusque Brutum et Cassium Philippis superaverunt. Brutus Cassiusque mortem sibi consciverunt, Octavianus Romam rediit, Antonius Aegyptum iit, ubi Cleopatram, amatam quondam Iulii Caesaris, uxorem duxit. Antonius Caesarioni, filio Cleopatrae Caesarisque, favit, et anno 31 a.C.n.apud Actium pugna navali contra Octavianum decertavit. Octavianus eum vicit et Antonius Cleopatraque mortem sibi consciverunt.

[recensere] Imperator

Post pugnam Octavianus exercitum suum dimisit. Consulatum gessit sed anno 27 a.C.n. imperium Senatui obtulit. Senatus gratias pro finito bello civili agens recusavit et ei imperium Hispaniae, Galliae, Syriae et Aegypti dedit. Etiam appellationem Augusti dedit ac titulum Principis Senatus, qui ei dabat primam vocem in Senatu Romano. Augustus autem publice Princeps appellari maluit. Anno 23 a.C.n. consulatum repudiavit et tribunatum iniit.

Augustus magna cum audacia prudentiaque regnavit. Primum exercitum perpetuum creavit et limites imperii legionibus munivit. Romae praetorianos novum praesidium collocavit, quod etiam imperatorem defenderet. Nulla bella maiora gessit, at limites imperii Danuvii et Rheni instituit. Solus conatus limites propagare cladem in Teutobergiensis saltu (sub P. Quinctilius Varus) anno 9 tulit. In Oriente Augustus imperium in Armenia instituit et pacem cum Parthis composuit. Sub Augusto Roma placida et felix erat.

Per Suetonium, "urbem neque pro maiestate imperii ornatam et inundationibus incendiisque obnoxiam excoluit adeo, ut iure sit gloriatus marmoream se relinquere, quam latericiam accepisset." Novam curiam, novas aedes, et Theatrum Pompeii aedificavit. Etiam Augusto patrono artium, poetas, pictores, sculptores archictectosque adiuvavit. Horatius, Livius, Gaius Maecenas, Ovidius, Vergiliusque sub imperio Augusti floruerunt.

[recensere] Mors et successio

Eo tempore mortis Augusti, ad rem publicam reverti cum non potuisset, successorem inveni oportuit. Antepositus erat ab Augusto primus Marcellus, vir filiae suae Iuliae, sed Marcellus veneno necatus est anno 23 a.C.n.. Post mortem Marcelli Iulia Marcum Agrippam nupsit. Liberi sui erant Gaius Caesar, Lucius Caesar, Iulia minor, Agrippina maior, et Postumus Agrippa (qui natus est post mortem Agrippae). Augustus Gaium Luciumque adoptavit et favorem suum Neroni Claudio Druso et Tiberio, filii uxoris sui Liviae. Drusus anno 9 a.C.n. et Gaius Luciusque autem annis 2 et 4 mortui sunt. Tiberius et Postumus ab Augusto adoptati sunt. Anno 14 Augustus mortuus est. Tiberius Postumum necavit et Augustum successit.

Post mortem suam Augustus inter deos relatus est. Appellatio sua appellationem omnium imperatorum factus est.

[recensere] Synonyma

Octavianus, Caesar Augustus, Julius Caesar Octavianus, Imperator Caesar Augustus, Imperator Caesar Divi filius, Augustus Caesar, Divinus Augustus, Gaius Julius Caesar Augustus Octavianus, Gaius Octavius, Thurinus, Gaius Caesar, Octavius (?)

[recensere] Annales vitae Octaviani

• Natus: Anno LXIII ante Christum natum
• Pater: Gaius Octavius (praetor)
• Mater: Atia, filia Marci Atii Balbi
• Nomen: Caius (Gaius) Octavius
• Cognomen: Thurinus, in memoriam maiorum originis (sic Suetonius scribit).
• Adoptus a C. Iulio Caesare adoptatore. Nomen Octavii nunc Octavianus erat.
• Anno XLVIII a.C.n. pontifex
• Anno XLVI cum C. Iulio Caesare in Africa
• Anno XLV cum C. Iulio Caesare in Hispanica
• Post mortem C. Iulii Caesaris Octavianus se Caium Iulium Caesarem nominabat.
• Anno XLIV bellum Mutense contra Marco Antonio
• Anno XLIII consul.Triumvir cum Lepido et Marco Antonio. Africa, Sicilia et Sardinia regebat.
• Anno XLII bellum Philippense contra C. Cassium et M. Iunium Brutum
• Anno XL a.C.n. Imperator Caesar divi filius
• Anno XXXI Octaviani amicus Vipsanius Agrippa in proelio navale apud Actium vicit.
• Anno XXX Alexandria visitabat. Mors Marci Antonii et Cleopatrae.
• Anno XXIX Curulis triumphos tres egit: Delmaticum, Actiacum, Alexandrinum. Senatus attribuebat Octaviano potestatem omnium rerum
• Anno XXVIII consul.
• Anno XXVII rem publicam restitutam declarabat. Senatus Octavianum Augustum nominabat.
• Anno XXIII consul
• Anno II pater patriae
• Mortuus: A.D. XIV Nolae

[recensere] Nexus externi

• The Latin Library, Suetoni Tranquilii vita Divi Augusti
• The Latin Library, Res Gestae Divi Augusti
• LacusCurtius, Res Gestae Divi Augusti (Anglice, Graece, Latine)
• LacusCurtius, Suetonius, De Vita Caesarum (Latine, Anglice)