Quintus Horatius Flaccus
E Vicipaedia
Quintus Horatius Flaccus, vel breviter Horatius, fuit poeta Romanus illustrissimus. Qui natus est Venusiae a.d.V.Id.Dec. anno a.Chr.n. 65., obiit a.d.V.Kal.Dec. anno a.Chr.n. 8. Sepultus est prope Maecenatem amicum et patronum suum in monte Esquilino.
Index |
[recensere] De vita Horatii
[recensere] Fontes
De vita et factis Horatii certiores fimus cum scriptis ipsius tum teste Suetonio, cuius descriptio extat in commentariis ad opera Horatii conscriptis. Is autem, Habitu, scripsit, corporis fuit brevis atque obesus, qualis et a semet ipso in saturis describitur et ab Augusto hac epistula: "Pertulit ad me Onysius libellum tuum, quem ego ut excusantem, quantuluscumque est, boni consulo. Vereri autem mihi videris ne maiories libelli tui sint, quam ipse es; sed tibi statura deest, corpusculum non deest. Itaque licebit in sextariolo scribas, quo circuitus voluminis tui sit ogkodestatos, sicut est ventriculi tui."
[recensere] De operibus
[recensere] Exemplum artis
Quid Horatius ipse de dignitate et auctoritate artis suae sentiret, carmine tricesimo libri tertii carminum exposuit. Quae oda hoc loco exemplo etiam sit, quomodo Horatius a poetis lyricis Graecis profectus, ut poesis Latinae summam excoleret perfectionem, studuerit.
Hoc poema consistit ex versibus Asclepiadicis primis vel Asclepiadicis minoribus. Versus omnes compositi sunt colo Pherecratico secundo syncopato et colo Pherecratico primo catalectico: LL | LBB | L || LBB | LB | L = Ex-e | gi mo-nu | ment(um) || ae-re per | en-ni | us.
Exegi monumentum aere perennius regalique situ pyramidum altius, quod non imber edax, non aquilo impotens possit diruere aut innumerabilis annorum series et fuga temporum, non omnis moriar multaque pars mei vitabit Libitinam: usque ego postera crescam laude recens, dum Capitolium scandet cum tacita virgine pontifex. dicar, qua violens obstrepit Aufidus et qua pauper aquae Daunus agrestium regnavit populorum, ex humili potens princeps Aeolium carmen ad Italos deduxisse modos. sume superbiam quaesitam meritis et mihi Delphica lauro cinge volens, Melpomene, comam.
[recensere] Nexus externi
Vicicitatio citationes in Quintus Horatius Flaccus habet. |
Vicifons opus nominatum Quintus Horatius Flaccus habet. |