Esser human

De Wikipedia, le encyclopedia libere

? Homo sapiens
Image del Pioneer 11 e Voyager I e II, retratante a un homine e a un femine
Classification scientific
Regno: Animalia Subregno: Metazoa Phylo: Chordata Subphylo: Vertebrata Classe: Mammalia Subclasse: Eutheria Ordine: Primates Subordine: Haplorrhini Familia: Hominidae Tribo: Hominini Genere: Homo Specie: H. Sapiens
Nomine binomial
Homo sapiens Linnaeus, 1758
Subspecies
Homo sapiens idaltu (extinto) Homo sapiens sapiens

Le esseres human (a vices appelate genericamente homines; iste termino pote applicar se tamben specificamente al individuos de sexo masculin) constitue actualmente desde le puncto de vista biologic un sol specie, Homo sapiens, le unic supervivente del genere Homo, amplemente diversificate in le ultime million e medie de annos. Homo sapiens pertine a un ancestria de Primates, le hominoideos differentiate in Asia e in Africa, de ubi surgeva le familia del que forma parte, le hominidos.

Le nomine scientific allude al characteristica biologic le plus characteristic: sapiens significa sapiente o capacitate de cognoscer, e se refere al consideration del homine como "animal rational", al contrario que tote le altere species. Es precisemente le capacitate del esser human de realisar operationes conceptual e symbolic multo complexe —que include, per exemplo, le uso de systemas linguistic multo sophisticate, le rationamento abstracte e le capacitates de introspection e speculation— un de lor characteristicos plus distincte. Possibilemente iste complexitate, fundate neurologicamente in un augmento del dimension del cerebro e super toto de su complexitate, sia tamben un del causas, e un producto, del multo complexe structura social que le esser human ha disveloppate, e que forma un del bases del cultura, interpretate biologicamente como le capacitate a transmitter information e habitos per imitation e instruction, in vice de per hereditage genetic. Iste proprietate non es exclusive de iste specie, e es importante tamben in altere primates, ma attinge in H. sapiens un disveloppamento qualitativemente distincte, que ha justificate que A. Montagu situara in la cultura le niche ecologic de nostre specie. Le nomine taxonomic esseva H. sapiens, e se addeva le secunde sapiens pro distinguer lo, in su qualitate de subspecie typo, del altere subspecies; isto ha absolutemente nihil a facer con le capacitate de autoreflexion; per lo tanto Homo sapiens sapiens significa "homine que sape que sape", i.e. consciente de su cognoscimento. Secundo alcun autores le denomination Homo sapiens sapiens es obsolete precisemente proque existe un sol specie de Homo in le actualitate o proque fossiles que se credeva de distincte species (Cro-Magnon, Grimaldi, etc.) in le realitate es fossiles de nostre specie, tal opinion es attendibile sed nos pare plus correcte mantener le denomination Homo sapiens sapiens pro nostre specie, distinguente assi taxonomicamente de altere species extincte como le Homo sapiens idaltu.