Համացանց

From Wikipedia

Համացանցը (անգ. Internet) աշխարհով մեկ տարածված, հասարակական ազատ օգտագործման համընդհանուր ցանց է՝ կազմված համակարգչային ցանցերից, որոնք մասնակցում են տվյալների փոխանցմանը փաթեթների փոխանակման միջոցով՝ ստանդարտ Համացանցային Պրոտոկոլի (IP) օգտագործմամբ։ Այն իրենից ներկայացնում է «ցանցերի ցանց», որը կազմված է միլլիոնավոր փոքր տնային, ակադեմիական, բիզնես և կառավարական ցանցերից, որոնք միասին փոխադրում են տարբեր ինֆորմացիա և ծառայություններ, որոնցից են՝ էլեկտրոնային փոստը, Ֆայլերի փոխադրումը, հղումներով փողկապակցված էջերը և Համաշխարհային Սարդոստայնի (World Wide Web) այլ փաստաթղթեր։

Հակառակ համատարած օգտագործման՝ Համացանցը և Համաշխարհային Սարդոստայնը հոմանիշներ չեն. Համացանցը միմյանց հետ կապակցված համակարգչային ցանցերի ամբողջություն է, որոնք իրար հետ կապվում են պղնձյա լարերով, օպտիկա-նրբաթելային կաբելներով, անթել կապով, և այլն; Համաշխարհային Սարդոստայնը իրենից ներկայացնում է փողկապակցված փաստաթղթերի ամբողջություն, որոնք կապված են հիպերհղումներով և ՌՄՏ-ներով (Ռեսուրսների Միանման Տեղորոշիչ - URL)։ Համաշխարհային Սարդոստայնը, ինչպես և բազում այլ ծառայություններ, որոնք ընդգրկում են է-փոստը, ֆայլերի բաժանումը և ուրիշ այլ բերված ստորև, հասանելի է Համացանցի միջոցով։