Wikipedia:Libro de estilo
Na Galipedia, a wikipedia en galego.
Se as colaboracións que se fan na Galipedia seguen un estilo uniforme, seralle máis doado atopar información a quen a procure e mellorar os contidos a quen queira contribuir. A razón deste libro de estilo é enumerar as convencións ás que se ten chegado co obxecto de darlle un carácter máis homoxéneo á Galipedia. O estilo recomendado ten como fontes as propias cualidades técnicas do sofware (MediaWiki), os acordos que se siguen noutras wikipedias e os usos do Galego.
Nesta páxina recóllense convencións de estilo. Para indicacións técnicas deberás procurar noutras páxinas, nomeadamente:
- Instrucións técnicas esenciais sobre como modificar unha páxina: Wikipedia:Como editar unha páxina
- Emprego de marcadores ou mensaxes predefinidas: Wikipedia: Mensaxes predefinidas
- Normas de conduta a ter en conta: Wikipedia:Cousas que non se deben facer
Se estás a dar os primeiros pasos na Galipedia non te deberás preocupar por seguir todas estas recomendacións inmediatamente. Comeza a redactar, que alguén se ocupará do estilo por ti até que o domines.
Índice |
[editar] Redacción
[editar] Título dos artigos
- en singular salvo se son conceptos colectivos que perdan o seu significado cando se expresen en singular (linguas románicas, partes do carro, países balcánicos);
- en minúsculas salvo nomes propios:
- de persoa: John Lennon
- de lugar: Península Ibérica
- de institución: NASA
- de obra concreta (libro, pintura, foguete espacial, ...);
- non utilizar parénteses salvo que se saiba que está aceptado: cada categoría xeral pode ter un formato determinado (p. ex., wikipedia:Wikiproxecto Toponimia).
[editar] Estrutura dos artigos
Os artigos comezan cunha explicación breve (entre tres e cinco liñas) que enuncia os rasgos xerais do conceito. Após ler esta introdución débelle quedar claro a quen o lea o fundamental sen necesidade de ler o resto do artigo. Esta introdución non debe ser unha definición. O lugar das definicións é o galizionario. Con efeito, se ves unha introdución que se pareza máis ben a unha definición deberíala copiar para o galizionario e mellorar o artigo da Galipedia.
- Nas biografías, por exemplo, menciónase o nome completo da personalidade (o nome máis coñecido é o título da páxina), as datas de nacemento e morte, a nacionalidade, a razón da súa condición (profesión, implicación en determinados feitos, etc.) e outra información relevante (títulos de obras, etc.)
O concepto que dá lugar ao artigo debe aparecer neste parágrafo introdutorio en letra negra e en contexto. Se ese concepto é coñecido por máis nomes e se mencionan na introdución, tamén irán en negra. Sen embargo, hai que evitar que eses termos conteñan ligazóns.
[editar] Subdivisións do texto
[editar] Parágrafos
Cada parágrafo trata unha idea distinta á dos outros parágrafos. Sepáranse con dobre espazo.
[editar] Apartados
Non se deben crear demasiados pero tampouco poñer moito máis de 8 parágrafos sen apartados: facilita a edición por anacos e a localización dos datos que interesan se o artigo é moi grande (porque saen no índice). Mellor poñer de máis que de menos. Utilizar subtítulos aclaradores e non ambiguos. Referencias (bibliografía) e ligazóns externas sempre en apartados propios (en nivel 1 ou 2). O índice créase automaticamente.
[editar] Ligazóns
[editar] No corpo do texto
A utilidade desta enciclopedia multiplícase co uso de vínculos internos. Crea sempre ligazóns deste xeito:
- anos: ano 2006 e ano -44: os números sós. Para antes da Era Cristiá, o vínculo é un número negativo, ainda que no texto apareza 44 a.C..
- séculos: século XIX (números romanos)
- día + "de" + mes: 4 de outubro (o mes, en minúscula)
- lugares: Lugo.
Podes crear ligazóns a páxinas que ainda non existen.
[editar] "Véxase tamén" e "Ligazóns externas"
Se o artigo o precisa, pódese rematar cunha sección chamada "Véxase tamén" na que se listen conceitos relacionados e que axudarían a comprender mellor ou complementar o tema. Trátase dunha lista sen explicacións, só cos vínculos.
A última sección pode levar a páxinas externas á Galipedia e chámase "Ligazóns externas". Ao escollelas pensa na súa durabilidade: as páxinas persoais, por exemplo, poden non permanecer accesíbeis dentro dun par de anos, polo que non é recomendábel mencionalas. Aquí é importante que se explique claramente a que tipo de páxina e contidos remeten os vínculos.
[editar] Ortotipografía
[editar] Xeralidades
- maiúscula inicial sempre tras un punto;
- negra con uso opcional, pero sen abusar. O concepto que dá pé ao artigo debe aparecer no primeiro parágrafo en negra.
- vírgulas, puntos e vírgulas, dous puntos e puntos sempre seguidos de espazo;
- os números sepáranse nos miles por puntos (non espazos nen vírgulas) e nos decimais por vírgulas (non apóstrofes), a excepción dos anos (por exemplo 1900), nos que non usa o punto;
- non usar dobre espazo;
- os signos ? e ! non van seguidos de punto (xa o teñen incorporado);
[editar] Uso da cursiva e as aspas
[editar] Cursiva
[editar] Títulos
Póñense en cursiva os títulos de cousas que teñen entidade propia. Así se diferencian os títulos das novelas e series de televisión dos títulos de poemas e episodios, que irán entre aspas. Non se poñen no título do artigo. En particular, van en cursiva os títulos de:
- Libros, xornais e revistas: A nosa cinza. Unha excepción son os libros da Biblia e a Biblia e o Corán en si.
- Obras de teatro, películas e series de televisión ou radio: Othello
- Composicións musicais longas (p.ex. óperas ou álbumes): Madamme Butterfly de Puccini
- Poemas longos que poidan aparecer publicados sós nun libro: Os Lusíadas
- Obras de arte: As señoritas de Avignon
[editar] Ademáis
- Palabras procedentes doutros idiomas que ainda non foron asimiladas: un existencialista avant la lettre
- Palabras cando se fala da palabra en si: Dixo purguratorio en vez de purgatorio
- Letras cando se fala da letra en si: O dígrafo nh provén do provenzal
- En Bioloxía, o xénero, subxénero, especie e subespecie
[editar] Aspas
[editar] Títulos
Úsanse as aspas para os títulos de cousas que forman parte dunha entidade maior. Non se poñen no título do artigo. En particular, van entre aspas os títulos de:
- Artigos de xornais e revistas, capítulos de libros e ensaios.
- Capítulos de series de televisión ou radio
- Cancións e composicións musicais breves
- Poemas
[editar] Ademais
É posíbel pór aspas arredor de palabras ou frases que se usan nun sentido non literal e para introducir por primeira vez conceptos non familiares para o lector.
[editar] Diversos
Categoriza se podes e sabes. En Wikipedia:Categorías están as categorías consideradas oficiais, establecidas por consenso (votouse sobre elas); en Wikipedia:Wikiproxecto Categorías/Índice temático de categorías hai un mapa de todas as categorías existentes, oficiais e non oficiais.
