Heráldica

Na Galipedia, a wikipedia en galego.

A heráldica é unha das ciencias auxiliares da Historia e da arte. Ocupase do estudio da composición e do significado dos escudos de armas ou brasóns.

A disciplina nace arredor do século XII e ten nos seus comezos unha aplicación práctica: permite identificar por debaixo da aúa armadura ó guerreiro que porta un determinado escudo e adscribilo a algún dos bandos enfrentados nun lance. Co tempo, a heráldica foi extendedo o seu ámbito para abranguer a identificación non so de persoas, mais de corporacións, poblacións, entidades públicas,etc.

Frente a outras simboloxías, a heráldica caracterízase pola asunción dun conxunto de normas ríxidas para a composición dos escudos de armas e a transmisión das armarías a través de xeracións como elemento identificador da linaxe. En efecto, a heráldica posúe as súas propias leis, como a da prohibición de que nun escudo figure metal sobre metal ou cor sobre cor. O longo da historia, estas leis fixerónse tan complexas que nin os señores que detentaban un escudo determinado podían interpretalo corectamente, polo que se crea a figura do rei de armas, un funcionario que se encrga de diseñar e interpretar os escudos heráldicos.

Os escudos de armas constan dos seguintes componentes: Campo: é a superficie do escudo no seu interior, que dará ó blasón a súa forma redonda, ovalada, apuntada, etc. O campo pódese dividir en partes iguais ou desiguais.

Figuras: son os obxectos ou seres representados no campo. Poden ser naturais (seres que existen no mundo real ou a representación de algunha das súas partes) ou artificiais (seres fantásticos, obxectos comúns ou específicos da simboloxía da heráldica) Esmaltes: son as cores ou os metais que cobren o campo, as figuras e calquera adorno do escudo. As cores so poden ser cinco: sable (negro), gules (vermello), azur (azul), sinople (verde) e púrpura.Os metais poden ser ouro ou prata.

Os escudos de armas poden ter adornos arredor, denomínanse timbres e son de diferentes tipos:

• Os elmos e as coroas representan diferentes graos de nobreza, desde o fidalgo hasta o rei.
• Os tenantes son figuras que se sitúan ós lados do escudo, como sosténdoo.
• Mantos e insignias
• Lambrequíns (especie de chorerras que caen desde a parte superior do escudo por ambos lados)
• Motes e lemas,

O lado esquerdo da composición heráldica denomínase "sinistra" e o dereito "destra". O escudo descríbese como si mirásemos un espello; isto é, a esquerda é a dereita do observador.

Por exemplo, un escudo que levase pintado un carballo de cor verde, nun fondo blanco con unha banda vermella desde unha punta a outra do campo, e que estivese sostido por un unicornio branco encabritado á esquerda do observador e por un grifo verde á dereita, se descibiría así:

"En campo de prata, unha banda de gules. En abismo, un carballo de sinople. Teñen o escudo a destra un grifo de sinople e a sinistra un unicornio rampante de prata".

Commons ten máis imaxes sobre:

Heráldica