Lobo
Na Galipedia, a wikipedia en galego.
| Lobo | ||||||||||||
|---|---|---|---|---|---|---|---|---|---|---|---|---|
 |
||||||||||||
| Clasificación científica | ||||||||||||
|
||||||||||||
| Nome científico | ||||||||||||
| Canis lupus | ||||||||||||
 Coñeza toda a Bioloxía en Wikispecies, o directorio dos seres vivos |
O lobo é un animal mamífero carnívoro relaccionado co chacal e co can doméstico, polo que pertence á familia dos cánidos.
Basicamente existen dúas especies de lobos: o lobo gris (canis lupus) e o lobo vermello (canis rufus).
Índice |
[editar] Canis Lupus (Lobo Gris)
O lobo gris é a especie que habita en Galicia; atópase tamén en case toda Europa, Asia, así como en América do norte.
Un lobo gris adulto pode chegar a medir 1,6 m de longo(incluíndo o rabo) e pode pesar ata 80 Kg. A cor da pelaxe adoita ser negra, marrón e grisácea polo lombo e branca no peito. Os lobos que habitan preto do ártico adoitan ser completamente brancos. Todos os lobos posúen uns dentes moi poderosos, cola peluda, pupilas redondas e un potente olfacto. O lobo pode habitar en áreas moi distintas, pradeiras, bosques e tundras, pero nunca en montañas moi elevadas.
[editar] Canis Rufus (Lobo vermello)
- Véxase artigo principal: Lobo Vermello
O lobo vermello habita só no estado Texas, nos Estados Unidos. Esta especie é un pouco máis pequena có lobo gris e a súa pelaxe ten uns tons máis escuros.
[editar] Alimentación
O lobo é carnívoro polo que se alimenta doutras especies animais coma o cervo, renos, paxaros, lebre e coellos, roedores, e cando escasea a comida tamén se alimenta de prea.
[editar] Reprodución e Sociabilidade
O tobo dun lobo pode ser unha cova, un tronco dunha árbore oca, unha zona de vexetación espesa ou un burato na terra feito por el. A reprodución dos lobos ocorre na primavera, pero aparéanse no inverno. A femia prepara a gorida para parir a súa camada, que adoita estar entre un e once lobetos. Os pais coidan as crías durante un ano, e estes constitúen un grupo que se establece nunha zona e deféndea marcando o seu territorio con excrementos e ouriños.
Nalgunhas ocasións (sobre todo no inverno) os lobos forman grupos máis numerosos, de varias familias; é o que se chama unha manda, aínda que esta non adoita ter máis de dez membros.
Os lobos teñen unha estrutura social moi xerarquizada, amosan modelos de comportamento para informar da súa posición social de dominio ou submisión. Cada manda está liderada por un macho que copula coa femia dominante.
O ouveo do lobo é moi característico, e escçoitase máis durante o inverno, cando se aparean. O seu ouveo serve para se manter en contacto cos distintos membros da manada, delimitar territorio e para advertir a presenza de mandas "estranxeiras" no seu territorio.
[editar] En perigo
O lobo é unha especie en perigo de extinción; aínda que nos últimos anos se recuperou un pouco, segue a estar ameazada. As batidas, o delimitamento do seu espazo pola construción de estradas, os atropelos, o escaseamento dos seus alimentos son as causas principais.
Sorte que o lobo tivo o seu gran defensor Félix Rodríguez de la Fuente, senón tal vez agora o lobo xa tería pasado á historia na Península Ibérica.
[editar] Subespecies
- Lobo gris ou cinzento (Canis lupus)
- Canis lupus albus - Norte da Rusia
- Canis lupus arabs - Península Arábica
- Canis lupus arctos - Gronelandia e illas árticas do Canadá
- Canis lupus baileyi - Reintroducido no Arizona
- Canis lupus communis - Rusia Central
- Canis lupus cubanensis - Rusia, entre o Mar Caspio e o Mar Negro
- Canis lupus hattai - Norte do Xapón - Extinto
- Canis lupus hodophilax - Sur do Xapón - Extinto
- Canis lupus italicus - Apeninos italianos
- Canis lupus lupaster - Norte do Exipto e Noroeste da Libia
- Canis lupus lupus - Da China, Mongolia, Rusia e Europa oriental até a Alemaña, España e Portugal
- Canis lupus lycaon - Sudeste do Canadá
- Canis lupus nubilus - Canadá e Nordeste dos EUA
- Canis lupus occidentalis - Canadá occidental, Alasca - Reintroducido no Noroeste dos EUA
- Canis lupus pallipes - Desde a India até o Medio Oriente
- Canis Lupus signatus - Península Ibérica
