Maria Callas
El Vikipedio
Maria CALLAS [maria kalas], aŭ realnome: Maria Anna Sofia Cecilia KALOGEROPOULOS (naskiĝis la 2-an de decembro, 1923, mortis la 16-an de septembro, 1977) estis operkantistino.
Ŝi naskiĝis en Novjorko, kiel filino de grekaj enmigrintoj. En la jaro 1936 la gepatroj disiĝis kaj Maria kun sia patrino transloĝiĝis al Ateno, Grekio, kie ŝi poste studis kantadon. Sian debuton kiel operkantistino ŝi havis en la jaro 1939, en la rolo de Santuzza en la opero Cavalleria Rusticana.
Pro sia grandioza voĉo, la esprimoplena aktorado kaj teknika perfekteco Maria Callas nuntempe estas rigardata unu el la plej famaj sopranistinoj en la historio de la opero. Ŝi kantis en ĉiuj renomaj teatroj de Eŭropo kaj Ameriko kaj transprenis en 1969 la ĉefrolon en la filmo Medea. Maria Callas mortis en Parizo.
[redaktu] Eksteraj ligiloj
http://www.callas.it- http://sopranos.freeservers.com/callas.htm
- http://www.callasmaria.com
- http://www.contactmusic.com/new/xmlfeed.nsf/mndwebpages/zeffirelli.%20.callas%20was%20murdered.
