Helena mitologio

El Vikipedio

Laŭ la helena mitologio, estas dek du senmortaj gedioj, kiuj loĝas sur la ĉiela Monto Olimpo. La olimpanoj loĝas en belega palaco aŭ palacoj. Ni mortontoj povas nek vidi, nek atingi Olimpon. Se unu dio devas forloĝiĝi de Olimpo, alia dio devas preni lian lokon.

Monto Olimpo ne estas Olimpio, urbo en Eliŝa (Helenio), kaj loko de la Olimpiaj ludoj.

La 12 ĉefaj grekaj dioj estis:

Laŭ Teogonio de Heziodo (ĉ. 700 a.K.), en la komenco estis nur Ĥaoso. Poste aperis Gaja (tero), Tartaro (subtero), Erebo, Niksa (nokto) kaj Eroso. Super la diino Gaja, la tero, estis Urano, la ĉielo.

La unua generacio de la dioj (unuj diras ke estas la dua), la gefiloj de Gaja kaj Urano, estis teruraj monstroj, la ciklopoj kaj la Hekatonkiroj, tri monstroj kun cent manoj kaj kvindek kapoj.

La dua generacio de la dioj (unuj diras ke estas la unua), ankaŭ gefiloj de Gaja kaj Urano, estis la 12 Titanoj, (6 filoj kaj 6 filinoj):

Oceano (Okeanos)- dio de la maro
Tetisa (Thethys) - fratino kaj edzino de Oceano
Hiperono (Hyperion) - dio de la suno
Teja (Theia) - fratino kaj edzino de Hiperono
Temisa (Themis) - diino de la leĝo
Rea (Rhea) - diino de la tero, kaj edzino de Krono
Mnemozina (Mnemosyne) - diino de la memoro
Jafeto (Iapetos)
Kojo (Koios)
Feba (Phoibe)
Krejo (Kreios)
Krono (Cronos) - edzo de Rea, kaj dio de la tempo

Krono mortigis sian kruelan patron, Uranon. La junulo fortranĉis la testikojn de lia patro kaj de la verŝita sango kaj spermo kiuj falis sur Gaja naskiĝis la Erinioj (Alekta, Tizifona kaj Megera), la Gigantoj kaj la nimfoj Meliadoj. De la sango kaj spermo falantaj en la marŝaŭmo naskiĝis Afrodita. Post la mortigo de la patro Krono iĝis la ĉefa dio.

Krono edzinigis Rean, kaj de la gefiloj de Krono kaj Rea venis la tria generacio de la dioj, la Olimpanoj: Hestia, Hera, Demetra, Hadeso, Pozidono kaj Zeŭso. Poste, Zeŭso mortigis sian kruelan patron, Kronon (ĉi tiu manĝis sian gefilojn). Tiam Zeuŝo iĝis la ĉefa dio, kaj nun regas en Olimpo.

Aliaj rolantoj:

Andromeda - argonaŭtoj - Belerofono - Ciklopo - Dedalo - Dionizo - Edipo - Elektra - Eŭropa - Hekata - Herakleo - Ikaro - Ioa - Jazono - Keresoj - Medea - Mino - Minotaŭro - Narciso - Oresto Orfeo - Pandora - Pegazo - Persefona - Perseo - Prometeo - Psiĥa - Tezeo - Titanoj

Vidu ankaŭ: mito, hindeŭropa mitologio, dioj, herooj, nimfoj, Troja milito, Homero, Ovidio, Genealogia Arbo de la dioj, Muzoj