Florido
El Vikipedio
Geografio > Ameriko > Nordameriko > Usono > Florido
Florido (angle, Florida [FLOR-i-da]) fariĝis la 27-a ŝtato de Usono je la 3-a de marto, 1845.
Kennedy Kosmocentro, de kie NASA lanĉas kosmo-pramojn kaj direktas kosmo-vojaĝojn, troviĝas en Kabo Canaveral, apud orienta bordo de Florido. La ekonomio de Florido baziĝas grandparte sur turismo. Inter la vidinidaĵoj estas plaĝoj apud la Atlantiko kaj la Golfo de Meksiko, kaj Dizni-Mondo proksime al Orlando.
La granda parto de la duoninsulo de Florido konsistas el marĉoj. Florido estas konata pro la produktado de citrusaj fruktoj. Bestoj ofte vidataj en Florido estas aligatoroj, manateoj, delfenoj, pelikanoj, flamengoj kaj aliaj.
Pro la bona vetero kaj leĝoj favoraj al maljunuloj, multaj homoj translokiĝas al Florido post emeritiĝo. Preskaŭ 19 procento de la loĝantaro estas pli ol 65 jaraĝa. Multaj homoj el Kubo provas enmigri al Usono per boato al Florido. En 1980 pli ol 100,000 kubaj rifuĝintoj eniris, plejparte tra Florido, dum la boata veturigo Mariel.
Florido estis loko de disputa rezulto en la balotado de 2000 por Prezidanto de Usono. Post du rekalkuloj, la Alta Tribunalo de Usono eventuale ĉesigis la rekalkuladon kaj George W. Bush gajnis la 25 grandajn voĉojn de Florida. Rezulte de tio li fariĝis la Prezidanto. La frato de la Prezidanto, Jeb BUSH, estas la ŝtatestro de Florido.
La plej grandaj urboj de Florido:
- Miamio
- Tampo-St. Petersburg
- Orlando
- Ĵaksonvilo
Loĝantaro: 15,982,378 (en 2000)
Ĉefurbo: Talahaso
TTT-ejo de Florido en la angla http://www.state.fl.us
|
|
 |
||||||
|---|---|---|---|---|---|---|---|
|
|||||||
[redaktu] Eksteraj ligiloj
 |
Ĉi tie estas aldonaj eksteraj ligiloj por la artikolo. Vi povas helpi al Vikipedio se vi elektos la taŭgajn eksterajn ligilojn kaj metos ilin en la artikolon. |
