Македонская мова
Зьвесткі зь Вікіпэдыі — вольнай энцыкляпэдыі.
Гэта — накід артыкула. Вы можаце дапамагчы Вікіпэдыі, напісаўшы яго, для гэтага націсьніце спасылку «Рэдагаваць». |
Македонская (Македонски) | |
---|---|
Ужываецца ў: | Македоніі, Сэрбіі, Грэцыі, Альбаніі |
Рэгіён: | Балканы |
Колькасьць карыстальнікаў: | 2 мільёны |
Клясыфікацыя: | Індаэўрапейская Славянская |
Афіцыйны статус | |
Афіцыйная мова ў: | Македоніі |
Рэгулюецца: | -- |
Код мовы | |
ISO 639-1 | mk |
ISO 639-2(B) | mac |
ISO 639-2(T) | mkd |
SIL | MKJ |
Македо́нская мо́ва (па-македонску: макéдонски jáзик) — адна з паўднёваславянскіх моваў індаэўрапейскай моўнай сям'і.
На македонскай мове гаворыць блізу 2 мільёнаў чалавек, яна зьяўляецца дзяржаўнай мовай Рэспублікі Македонія, а таксама прызнанай мовай нацыянальнай меншасьці ў Альбаніі, носьбіты жывуць таксама ў Грэцыі і Сэрбіі.
Націск у македонскіх словах прыпадае пераважна на трэці ад канца склад (у двухскладовых — на другі ад канца). У адрозьненьне ад большасьці славянскіх моваў македонская (як і баўгарская) мае значна рэдукаваную склонавую парадыгму. З усіх ускосных склонаў захаваліся клічны ды рэшткі роднага-вінавальнага (Genetivus-Accusativus) склону. У македонскай мове тры тыпы постпазыцыйных артыкляў, якія ўжываюцца ў залежнасьці ад кантэксту і аддаленасьці аб'екта. Складаная сыстэма дзеяслоўных часоў. Асноўных прошлых часоў два — аорыст і імпэрфэкт (адпавядаюць беларускаму закончанаму і незакончанаму трываньню).
Зьмест |
[рэдагаваць] Гісторыя
Літаратурная македонская мова пачала фарміравацца ў час нацыянальнага адраджэньня ў канцы 19 стагодзьдзя. Вялікае значэньне для гэтага працэсу мела дзейнасьць братоў Міладзінавых і, перш за ўсё, Крстэ Пэткава Місіркава, які ў 1903 годзе у кнізе "Аб македонскім пытаньні" зрабіў першую спробу кадыфікацыі македонскай мовы. Афіцыйна македонская мова была кадыфікавана ў 1945 годзе і асновай для яе сталіся ўсходні і цэнтральны македонскія дыялекты.
[рэдагаваць] Альфабэт
Выкарыстоўваецца кірылічны альфабэт з дадатковымі графэмамі Ѓ, S, J, Љ, Њ, Ќ, Џ:
Аа Бб Вв Гг Дд Ѓѓ Ее Жж Зз Ѕѕ Ии Јј Кк Лл Љљ Мм Нн Њњ Оо Пп Рр Сс Тт Ќќ Уу Фф Хх Цц Чч Џџ Шш
[рэдагаваць] Баўгарскае гледзішча
У баўгарскім мовазнаўстве не прызнаецца факт існаваньня македонскай мовы. Яна лічыцца дыялектам баўгарскай. На гэтай падставе многія культурныя дзеячы, якія прычыніліся да разьвіцьця македонскай культуры ў пэрыяд да абвяшчэньня незалежнасьці, не разглядаюцца як македонскія (ці хаця б баўгарска-македонскія).