Segunda Guerra Mundial
De Uiquipedia
La Segunda Guerra Mundial foi una guerra que tuvo llugar nel sieglu XX ente los años 1939 y 1945 y na que participó un gran númberu de países. Foi la mas cruenta y destructiva guerra hasta güei, onde morrieron mas de 50 millones de persones.
Tabla de conteníos |
[editar] Les causes
El desenrollu de polítiques totalitaries n'Italia y Alemaña constituyeron una amenaza constante n'Europa. La política non intervencionista de los Estaos Xuníos, dexó a les grandes potencies europees como los únicos alversarios escontra estos países totalitarios. La incompetencia de la Sociedá de Naciones pa resolver los problemes desencadenó que los estaos practicasen sistemes d'aliances y una carrera de rearme.
[editar] Los bloques
- L'exe
- En 1937 Mussolini y Hitler firmaron un pactu defensivu, qu'en 1939 tresformose nel pactu d'aceru, xuniéndose-yos poco dempués Xapón.
- Los Aliaos
- El bloque aliáu taba formáu d'aniciu por Gran Bretaña y Francia, xuniéndose-yos dempués la Xunión Soviética y los Estaos Xuníos. Anque estos países fueron los principales países implicaos na guerra munchos otros viéronse involucraos, ya fuera voluntariamente o debío a invasiones.
[editar] El desarrollu de la guerra
El 1 de setiembre de 1939 Alemaña invadió Polonia achaplando l'exercitu polacu en 18 díes. Polonia foi repartía ente Alemaña y Rusia.
La nueva táctica alemana conocerase a partir d'aquella como "guerra relámpagu". Taba basada na rapidez y eficacia del exércitu, dotáu d'armamentu de gran calidá y cantidá, asina como un númberu importante de tropes acorazaes (les divisiones Panzer). N'abril de 1940 Alemaña invadió Noruega y Dinamarca y en mayu Holanda y Bélxica, siendo esto clave na invasión de Francia. La invasión de Francia fízose peles Ardenes belgas evitando asina la llínea Maginot principal defensa de los franceses. Esto obligó a los ingleses a embarcase en Dunquerke. El 14 de xunu los alemanes tomen París, llevando a Henri Pétain a solicitar un armisticiu, el cual significó la dixebración de Francia en dos zones: la Francia ocupada y la Francia llibre, con capital en Vichy. En Gran Bretaña Charles de Gaulle creó el movimientu de resistencia Francesa.
Tres cayer Francia, Gran Bretaña quedose sola na llucha escontra Alemaña. Hitler intentó l'aniquilación inglesa al traviés de la Lufwaffe na batalla d'Inglaterra (agostu - ochobre de 1940). La violenta ofensiva aérea foi repelía peles fuercies aérees ingleses. Ante esti fracasu Hitler optó por bloquiar la islla colos famosos U-BOOT (submarinos), tando a puntu d'algamalo, pero les nueves táctiques antisubmarines asina como los conwois ganaron la batalla nel Atlánticu. Italia entró'n guerra en xunu de 1940, del llau Alemán. N'ochobre de 1940 invadió Grecia siendo derrotá. Los alemanes tuvieron que dir a socorrer al so aliáu invadiendo ellos con éxitu Grecia y Yugoslavia. Nel norte d'África los ingleses vencieron a los italianos en Libia, y en 1941 expulsáronlos d'Eritrea, Somalia y Abisinia. De nueu Alemaña viose obligá a mandar refuerzos n'ayuda de los italianos, mandando al norte d'África a tropes esperimentaes en combate nel desiertu, el nomáu Africa Korps, al mandu del xeneral Rommel, entrando'n marzu de 1941 victoriosos n'Exiptu y recuperando'l dominiu del norte d'África.
El 22 de xunu de 1941, los alemanes abren el frente oriental invadiendo la XRSS, rompiendo asina el pactu de non agresión firmáu'n 1939. En cinco meses llegaron a 30 km de Moscú, pero'l duru iviernu rusu y les tropes de refuerzu llegaes de Siberia, acabaron coles tropes alemanes fracasando por primera vegada la táctica de "guerra relampagu" que tantos esitos-yos diera nel pasáu. A partir d'equí palantre la balanza entamó a empinase del llau de los Aliaos.
El 7 d'avientu de 1941, los xaponeses lanzaron el ataque escontra Pearl Harbour, con graves daños pa la flota estaunidense, obligando a estos a entrar en guerra. Durante 1942 les fuercies mantuviéronse estabilizaes, siendo nel fin d'esti añu cuando entamaron a llegar les victories aliaes.
Na batalla naval de Midway (4 - 7 de xunu de 1942) la flota xaponesa foi derrotada pela estaunidense siendo casique aniquilada. El 7 d'agostu los marines estaunidenses desembarcaron en Guadalcanal, entamando una de les batalles mas cruentes de la guerra y que supuso'l fin del avance xaponés nel Pacificu.
N'ochobre de 1942 les tropes ingleses de Montgomery derrotaron a les alemanes de Rommel n'El Alamein.
El desembarcu de tropes ingleses y americanes n'Arxelia y Marruecos obligó a les fuercies del exe a retroceder hacia Túnez, onde se rindieron.
Nel frente oriental foi decisiva la batalla de Stalingrado (setiembre de 1942 - febreru de 1943). El exércitu alemán foi sorprendíu pel iviernu, l'aviación y los tanques rusos al intentar cercar la ciudá. Les tropes alemanes supervivientes y les ruses, enfrentáronse nun combate practicamente cuerpu a cuerpu na ciudá, siendo la victoria pa estos últimos.
La contraofensiva soviética continuó. Los alemanes atacaron nun intentu de frenar a los rusos en Kursk y Orel, pero salieron de nueu derrotaos. Estes victories resultaron decisives na guerra. L'avance rusu llogró ocupar Kiev, Leningrado y Crimea en xunetu de 1944, llegando a Varsovia, onde foiron frenaos pelos alemanes.
A partir de 1945 los rusos entamaron la ofensiva final, tomando Hungria, Polonia y Prusia, facilitando asina la ocupación d'Alemaña polos aliaos.
Nel frente occidental el desembarcu de Normandía nel dia D (6 de xunu de 1944) dirixíu pel xeneral Eisenhower foi un duru golpe pa los alemanes, viéndose desbordaos al abrise un nuevu frente.
A mediaos de setiembre Francia, Bélxica y Luxemburgo foiron lliberaes, siguiendo l'avance hacia Berlín. Los aliaos cruzaron el Rin en marzo de 1945 entrando n'Alemaña. El 16 d'abril ocuparon Nuremberg, el 20 Munich y el 25 sitiaron Berlín. El 30 d'abril Hitler suicídase nel so rufuxu. El 2 de mayu Alemaña capitula y l'armisticiu foi firmáu el 8 de mayu en Berlín. La guerra n'Europa habia finao.
Nel Pacificu continuó la guerra. Los estaunidenses desembarcaron en Luzón, Mindanao y Corregidor y lliberaron les Filipines, los soviéticos ocuparon Manchuria y los australianos Borneo.
A pesar de los terribles bombardeos sobre l'archipielagu, Xapón negábase a abandonar les armes, polo que'l gobiernu estaunidense decidió utilizar bombes atómiques escontra ellos.
El 6 d'agostu cae la primera bomba n'Hirosima y el 9 d'agostu la de Nagasaki. Xapón ríndese'l 14 d'agostu y la capitulacion firmose el 2 de setiembre a bordu del acorazáu Missouri.
[editar] Resoluciones
Tres la conferencia de paz cellebrá'n París los alcuerdos fueron los que siguen:
- Alemaña queda dixebrada en cuatro zones: l'oeste pa Francia, Gran Bretaña y los Estaos Xuníos y l'este pa Rusia.
- Italia da-y dos tercios de la península de Istria a Yugoslavia, les islles de Dodecaneso a Grecia y renuncia a les sos colonies de Libia, Eritrea y Somalia.
- Albania algama la independencia.
- Austria queda dixebrada en cuatro hasta l'añu 1955 onde algama la independencia.
- Créyase la ONU como un múerganu independiente y competente de los problemes mundiales.
