James Cook
De Uiquipedia
James Cook (1728, Marton, Gran Bretaña - 1779, Kealakekua Bay, Hawai), esplorador británicu.
Fiu d'un inmigrante escocés ocupau en llabores rurales, asistió a la escuela fasta los doce años. Mas tarde, obtuvo trabayu como aprendiz n'una empresa naviera, y asina pusose en contauto cola mar y los barcos, que sedría a la postre la so gran pasión. Les sos habilidades pa col oficiu nel duru Mar del Norte valieron-y pa que con 27 años ofreciera-y el mandu d'un barcu. Poro'l xoven Cook decidió ingresar como voluntariu n'Armada Real, onde fizo una brillante carrera.
Foi cartógrafu na costa del Atlánticu Norte, y en 1768 llevó a cabo'l primer de los sos tres grandes viaxes d'exploración: al mandu la nave "Endeavour", tresportó un grupu d'astrónomos y al botánicu Joseph Banks a la isla de Tahití. Dende ellí siguió fasta Nueva Zelanda, onde cartografió un mapa de la costa tan precisu que durante casi un sieglu dempues siguío utilizándose. Asina mesmo, comprobó que Nueva Zelanda nun formaba parte duna estructura continental mayor (como dalgunos sosteníen entoncenes), circunnavegándola per completo. Cruzó tamién l'estrechu que separta les dos isles mayores y que lleven güei el so nome. Llueu pasó a la costa oriental d'Australia, que cartografió y bautizó como Nueva Gales del Sur, amás de izar la bandera británica nesti territoriu.
Enantes de regresar, navegó asina mesmo pente les isles de Java y Sumatra y demostró asina que yeren dos bloques de tierra separtaos. Un fechu de suma importancia nesti viaxe foi que nengún home de la so tripulación morrió d'escorbuto, afeición qu'había diezmao munches expediciones marítimes en dómines anteriores. Esto debióse na especial preocupación de Cook por ameyorar les condiciones d'hixiene y la dieta los sos subordinaos durante el viaxe, na que incluyó los cítricos como preventivos de la enfermedá, según un descubrimientu del médicu inglés Lind.
Una vegada en Inglaterra, foi promoviu a comandante y presentau al rei Jorge III. En 1772, partió al mandu la nave "Resolution" a la gueta de la Terra Australis, pensandose per entoncenes que Australia yera sólo una parte. Secundáu per otru barco, el "Adventure". Navegó rumbo sur fasta l'Antártida y el 16 de xineru de 1773 consiguió atravesar el círculo antárticu. Llueu llegó a les isles que güei lleven el so nome (denomindoles Hervey), un añu dempues algamó les isles Vanuatu, les Marqueses y la isla de Pascua. De regresu, descubrió les isles Sandwich del Sur y les Georgias del Sur.
Esta expedición demostró que nun existía tal continente austral, sino la masa de xielu antárticu. Al so regresu recibió un nuevu ascensu y foi condecorau cola medalla Copley y nomau miembru de la Royal Society. Nel so tercer gran viaxe, en xunetu de 1776, nuevamente al frente el buque "Resolution", foi a la gueta d'un pasu pente los océanos Atlánticu y Pacíficu pel noroeste.
Nel so camin alcontró un conxunto de isles nueves pertenecientes al grupu les Sandwich, güei nomaes Hawai. Nun tuvo éxitu nel so oxetivu orixinal de alcontrar aquella comunicación, poro cartografió la costa occidental d'Alaska y presentó un informe precisu sobre gran parte de la hidrografía americana con desembocadura nel Atlánticu.
Llegó fasta'l estrechu de Bering, poro debío de retroceder a causa'l xielu. Nel viaxe de regresu a Inglaterra, la expedición fondeó de nueu nes isles Sandwich, onde debió permanecer más tiempu del previstu a causa de dificultaes climátiques que facíen imposible la navegación. Esto xeneró tensiones colos indíxenes del llugar a causa de la escasez de provisiones, y, llueu delles reyertes, Cook mató a un nativu, poro foi apuñalado mortalmente por esti.
A pesar de que pasare gran parte de la so vida nel mar, tuvo ocasión de formar una familia; a la edá de treinta y cuatro años casose con Elizabeth Batts, matrimoniu del que nacieren seis fios, la mitá de los cuales morrieron na infancia. De los tres fios restantes, dos fueron marinos.
