Islles Feroe

De Uiquipedia

[editar] Xeografía

Isllas Feroe

Estas 18 isllas conforman un archipiélagu allugáu a 62º de llatitú norte y 7º de lonxitú este, con una distancia de 113 km de norte a sur y 75 d'este a oeste. El sou enxeme suma más 1117 km de costas. Las isllas presentan una morfoloxía fosca, rocosa con costa d'argayos recortaod por fiordos, nengún puntu de las isllas ta a más de 5 km de la mare. El cuetu Slaettaratindu colos sous 882 metros ye lo más cimeiro del archipiélagu.

El clima ye oceánicu, marcáu pola influencia templada de la Corriente del Golfu, lo que fai muito sele si cuidamos na súa latitú. Asina, en Torshavn nun hai medias mensuales negativas. Poro, l'amplitú térmica ye perreduciada, con branos frescos y hibiernos seles. El cielu ta polo xeneral tapecíu, y davezo preséntase la borrina; ye 'l fuerte vientu outra de las súas costantes climáticas.

[editar] Hestoria

Tres un escuru y intermitente poblamientu celta, las isllas Feroe colonizorunse por escadinavos vinientes de Noruega nel sieglu IX, éstos sometiorun l'archipiélagu nel XI nel intre que'l cristianismu entamábase nas isllas. Cola Xunión de Kalmar las isllas Feroe pasorun pa la corona danesa, so la cual permaneciorun tres el tratáu de Kiel. Na Segunda Guerra Mundial, conquistada Dinamarca pola Alemaña nazi, las isllas fuorun ocupadas polos británicos, lo que nun fixo sinon xorrecere los sentimientos d'autonomía; estos cristalizorun na autonomía de 1948. Ye perimportante que las isllas Feroe al igual que Groenlandia malque seyan parte de Dinamarca nun pertenecen a la Unión Europea, yá que rechazorun entrare cuando fixo Dinamarca en 1973

[editar] Población

L'archipiélagu tien 48.000 habitantes, de los cuales casique el 90% son orixinarios de las isllas, un 8% provién d'outras posesiones de la corona -Dinamarca,Groenlandia. Tolas isllas tán habitadas sacante Litia.

Vea les imáxenes de Commons sobre Islles Feroe.