Setyembre 2006

Mula sa Tagalog Wikipedia, ang malayang ensiklopedya.

Setyembre 1, 2006 (Sabado) edit hist watch

80 katao ang namatay matapos bumagsak ang isang jet ng Iran na may sakay na 147 pasahero sa Mashad, Iran. (CNN)

Setyembre 3, 2006 (Linggo) edit hist watch

Pandaigdigang Kampeonato ng Basketbol 2006. Tinalo ng Espanya ang Gresya, 70-47, upang maitala ang kanilang unang pagpapanalo ng Pandaigdaigang Kampeonato ng FIBA. Ang beteranong manlalaro ng tennis na si Andre Agassi ay nagretiro pagkatapos ng 21 taon. (Reuters)

Setyembre 4, 2006 (Lunes) edit hist watch

Tumangging makialam ang Komisyon ng Halalan ng Pilipinas sa petisyon na magkaroon ng isang plebisito para baguhin ang Saligang Batas ng Pilipinas. Namatay si Steve Irwin ng Australia, na sumikat sa palabas pangtelebisyon na The Crocodile Hunter, ay namatay dahil sa page sa Cairns, Australia. Siya ay 44.

Setyembre 5, 2006 (Martes) edit hist watch

Susog Konstitusyon 2006. Ipinasa ng Kapulungan ng mga Kinatawan ng Pilipinas ang isang resolusyon na magbibigay daan para masusugan ang Saligang Batas ng Pilipinas sa pamamagitan ng isang constituent assembly. (ABS-CBN) Tagas langis sa Guimaras. Naghahanda ang Kagawaran ng Katarungan ng Pilipinas ng mga kasong kriminal laban sa may-ari at kapitan ng tanker na Solar I dahil sa pinakamalalang pagtagas ng langis sa karagatan malapit sa Guimaras. (ABS-CBN) Usapang kapayapaan sa Mindanao 2006. Nagumpisa muli ang usapang pangkapayapaan sa pagitan ng Pilipinas at ng Moro Islamic Liberation Front sa Kuala Lumpur, Malaysia. (Reuters) Nahatulan si Abdul Aziz Imam Samudra ng Indonesia ng walong taong pagkabilanggo dahils sa kanyang papel sa pagbomba sa Bali noong 2005. (AFP)

Setyembre 6, 2006 (Miyerkoles) edit hist watch

Tagas ng langis sa Guimaras. Maaring mahirapang magbayad ang may-ari ng M/T Solar 1 sa mga naapektuhan ng pagtagas ng langis karagatang malapit sa Guimaras dahil sa hindi nila pagbayad ng seguro at pagtatalaga ng hindi lisensyadong kapitan (ABS-CBN) Isinilang ni Prinsesa Akishino ng Japan ang unang sanggol na lalake ng pamilyang imperyal sa higit na 40 na taon (CNN)

Setyembre 7, 2006 (Huwebes) edit hist watch

Sinabi ng pamahalaan ng Pilipinas na binuhay muli ang usapan upang mapaalis si Jose Maria Sison sa Netherlands. (Manila Standard Today) Maaring patapos na ang pagugong ng Bulkang Mayon, ayon sa mga experto. (Manila Standard Today) Hidwaang Israel-Lebanon 2006. Sinabi ng Israel na aalisin na ang embargo sa himpapawid at dagat ng Lebanon. (BBC) Inanunsyo ni Tony Blair na magbibitiw siya bilang Punong Ministro ng United Kingdom sa loob ng 12 months. (BBC)

Setyembre 8, 2006 (Biyernes) edit hist watch

Usapang kapayapaan sa Mindanao 2006. Pagkatapos ng tatlong araw ng paguusap sa Kuala Lumpur, Malaysia, hindi nagkasundo ang mga kinatawan ng pamahalaan ng Pilipinas at ng separatistang Moro Islamic Liberation Front sa usapin hinggil sa lupain na dapat isama sa Autonomous Region in Muslim Mindanao. (INQ7)

Setyembre 9, 2006 (Sabado) edit hist watch

Napanalunan ni Maria Sharapova ang titulong pambabae ng U.S. Open (Bloomberg) Lumipad ang Space Shuttle Atlantis mula sa John F. Kennedy Space Center sa Florida upang umpisahan ang STS-115. (CNN.com)

Setyembre 10, 2006 (Linggo) edit hist watch

Pinirmahan ng Pilipinas at Hapon sa Finland ang Japan-Philippines Economic Partnership Agreement na nagpapatibay ng malayang kalakalan sa dalawang bansa. (Manila Standard Today)

Setyembre 11, 2006 (Lunes) edit hist watch

Binaba ng mga bulkanolohista ang alerto sa Bulkang Mayon sa pangatlong antas mula sa pangapat. (ABS-CBN) Tinalo ni Efren Reyes si Rodney Morris upang mapanalunan ang 8-Ball Open Championship ng Daigdig sa Reno, Nevada. (ABS-CBN)

Setyembre 12, 2006 (Martes) edit hist watch

Tagas langis sa Guimaras. Natapos ng isang board of marine inquiry ang imbestigasyon hinggil sa dahilan ng paglubog ng Solar 1 sa karagatang malapit sa Guimaras. (Manila Standard Today) Ang bagong silang na prinsipe ng Hapon ay pinangalanang Hisahito. (CNN)

Setyembre 26, 2006 (Martes) edit hist watch

Susog Konstitusyon 2006. Dininig ng Korte Suprema ang mga pangangatwiran ng mga partido na sumasang-ayon at tumututol sa pagsusog sa Saligang Batas. (ABS-CBN)

Setyembre 27, 2006 (Miyerkoles) edit hist watch

Bagyong Milenyo. Pumasok sa Pilipinas ang Bagyong Milenyo. Sinuspinde ng pamahalaan ang klase sa lahat ng antas sa Kamaynilaan at karatig lugar. (ABS-CBN) Usapang kapayapaan sa Mindanao 2006. Hindi pumayag ang pamahalaan ng Pilipinas sa kagustuhan ng separatistang Moro Islamic Liberation Front na isama ang 1,000 barangay sa Autonomous Region in Muslim Mindanao. (ABS-CBN)