நீர்
கட்டற்ற கலைக்களஞ்சியமான விக்கிபீடியாவில் இருந்து.
நீர் என்பது ஒரு சுவையற்ற, மணமற்ற, கிட்டத்தட்ட நிறமற்ற திரவ வடிவிலுள்ள ஒரு பருப்பொருளாகும். பூமியில் வாழும் உயிரினங்கள் அனைத்திற்கும் நீர் மிகவும் இன்றியமையாததாகும். பெரும்பாலான பொருட்களைக் கரைப்பதற்கு உதவும் கரைப்பானாகவும் இது பயன்படுகிறது. மேலும் புவியில் மிகக்கூடுதலாகக் கிடைக்கும் பொருட்களில் நீரும் ஒன்றாகும்.
[தொகு] வேதியியல் பண்புகள்
நீர் என்பது ஒரு சேர்மம் ஆகும். இதன் வேதியியல் வாய்ப்பாடு H20. இதில் இரண்டு ஹைட்ரஜன் அணுக்களும் ஒரு ஆக்சிஜன் அணுவும் உள்ளன. அயனிப்பண்புகளின் படி இதனை HOH எனக்குறிக்கலாம். ஒரு ஹைட்ரஜன் (H+) அணுவானது ஒரு ஹைட்ராக்சைடுடன் (OH-) பிணைக்கப்பட்டுள்ளது.
நீரானது பொதுவாக அனைத்துக் கரைப்பானாக அறிவியல் உலகில் குறிக்கப்படுகிறது. திட, திரவ, வாயு நிலைகளிலும் காணப்படும் ஒரு தூய பொருள் நீர் ஆகும்.