Ieau
From Wikipedia
|
Ch't' articl'ye fut c'menchie en Jèrriais
 |
L'ieau (
iâo, 
iaoue, 
yo) est l'litchide l'pus c'mun sus la Tèrre. Les mers sont remplyies dg'ieau, et dans les 72% du corps d'eune pèrsonne sont dé l'ieau - l'ieau est don nécessaithe pouor souôt'nîn la vie.
Les gens pèrdent dé l'ieau en gâtant dg'ieau, en suant, en r'spithant. I' faut don baithe à seule fîn d'maint'nîn la vie. Nou prend dé l'ieau douoche dé d'dans des fontaines, des pits, d's abréveurs, des rêsèrveurs, des riviéthes, des russieaux, des mathes ou d'la plyie, et au jour d'aniet ès pays îndustrialîsés par des tchuyaux.
Pouor l'agritchultuthe ou la gardinn'nie, i' faut dé l'ieau pouor tchultiver des pliantes. Nou-s'arrouôse les clios, les sèrres, les gardîns atout dé l'ieau.
Cont'nu |
[amendaer] Scienche
L'ieau est un composé chimique tch'a sŷmbole H2O fait d'l'hydrogènne (H) et l'oxygènne (O).
Y'a bein des choses tchi dêpense dans l'ieau - du sé, du chucre et d'aut' choses étout. Atout du savon, nou peut s'laver et netti dé tchi.
L'ieau est împortante dans ses trais manniéthes:
- l'ieau litchide
- la gliaiche (glace, gllache, glyech) - l'ieau gèle à 0°C
- la sueu (buaïe, stîmme) - l'ieau bouort à 100°C
Nou peut produithe du pouver atout l'ieau des russieaux, des riviéthes et des rêsèrveurs en faîthant sèrvi un bârrage
[amendaer] R'ligion
L'ieau est un sŷmbole dé putheté dans bein des r'ligions. Dans l'Islam, les fidèles daivent lus laver d'vant prier. Dans la Chrêtchienneté, l'bâptême lave hors les péchés, et dans tchiques églyises nou fait sèrvi dé l'ieau bénite.
[amendaer] Ditons
- L'ieau r'lave tout, sinon nouos péchés
- Nou n'a rein sans peine, pas même l'ieau d'la fontaine
- Nou n'peut pon touônner l'ieau à la broche
- I' n'y'a piéthe qué l'ieau tchi dort
