America del Sud
Un article de Wikipèdia, l'enciclopèdia liura.
L'America del Sud es una partida del continent american o, segon certans geografs, un continent a despart, entre l'Ocean Atlantic e l'Ocean Pacific.
L'America del Sud a una superficia de 17 840 000 km², per la màger part dins l'emisfèri sud. Fa solament 3 milions d'ans que foguèt restacada a l'America del Nòrd, un periòde recent a l'escala geologica. Las Andas foguèron tanben formadas a aquela epòca.
Los paisatges de l'America del Sud son variats. S'i pòt trobar de nautas montanhas, coma las Andas, de selvas tropicalas (coma la forèst pluviala atlantica e la forèst pluviala amazoniana), de regions semi-deserticas (coma lo sertão brasilian), de savanas (coma la region brasiliana del cerrado), de desèrts (coma los d'Atacama o de Patagonia) e mai de glacièrs (coma lo glacièr Perito Moreno, en Argentina).