Ocean Atlantic
Un article de Wikipèdia, l'enciclopèdia liura.
L'Ocean Atlantic tanben sonat Mar Granda en Occitània es un dels cinc oceans de la Tèrra. Es situat entre America a l'oèst e Europa e Africa a l'est.
L'Ocean Atlantic ocupa una conca alargada en forma de S espandida del nord al sud e devesida en Atlantic Nord e Atlantic Sud pels corrents equatorials a una latituda de 8° nord. L'Atlantic es ligat a l'Ocean Pacific per l'Ocean Artic al nord e pel Pas de Drake al sud, e tanben per una connexion artificiala qu'es lo Canal de Panama entre America del Nord e America del Sud. A l'est, la linha que dessepara l'Atlantic de l'Ocean Indian es lo meridian 20°est. L'Atlantic es despartit de l'Ocean Artic per una linha que va del Groenland fins al nord de Norvègia.
Cobrissent aproximativament los 20% de la superficia terrestra, l'Ocean Atlantic es sonque lo segond mai grand ocean apuèi l'Ocean Pacific. Ambe las seunas mars adjacentas, ocupa una aira de 106 450 000 km², e sens elas 82 362 000 km². L'aira de terra que drena a l'Atlantic es quatre cops aquela del Pacific o de l'Ocean Indian. Lo volum d'aiga es de 354 700 000 km3 ambe las seunas mars adjacentas e 323 600 000 km3 sens elas.La prigondor mejana es de 3926 m .La fonsor maximala es 8605 m dins la fossa de Puerto Rico.
L'Ocean Atlantic ten costas descopadas iregularas ambe nombrosas baia, golfes e mars:
-Mar Cariba -Mar Mediterranèa -Golf de Mèxic -Mar Negre -Golf de Sant Laurenç -Mar del Nord -Baia d'Hudson -Mar Baltica -Baia de Baffin -Mar de Barents -Mar de Norvègia-Groenland -Mar de Weddel
Una autre caracteristica es que lo seu nombre d'illas es pron redusit:
-Illas Svalbar o Spitsbergen -Groenland -Islanda -Fernando de Noronha -Açores -Illas Madeira -Canarias -Cap Verd -Bermudas -Indas Occidentalas -Ascencion -Santa Elena -Tristan de Cunha -Falklands o Malvinas -Georgia del Sud -Caraibas