Vågsøy

Frå Wikipedia – det frie oppslagsverket

Våpen	Kart
	Fil:Vågsøy kart.png
Grunnleggjande opplysningar
Kommunenr:	1439
Fylke:	Sogn og Fjordane
Administrasjonssenter:	Måløy
Flatevidd:	165 km²
Folketal:	6 123 (2006)
Målform:	Nynorsk
Internettside:	www.vagsoy.kommune.no
Politikk
Ordførar:	Roger Bernt Silden (Ap) 2003-2007

Vågsøy er ein kommune som ligg nordvest i Nordfjord i Sogn og Fjordane fylke, sør for Stad. Det er óg namnet på den største øya i kommunen. Kommunesenteret er Måløy, som fekk bystatus i 1997 saman med bygdene Degnepoll og Holvik. Kommunen grensar til Bremanger i sør, Vanylven og Eid i vest og Selje i nord.

[endre] Kommunikasjon

Byen Måløy ligg ved Ulvesundet, og byen og øya er knytte til fastlandet med ei bru på 1224 meter over til Degnepoll. Etter 5 mil langs riksvei 5 og riksvei 15 til Nordfjordeid følgjer vegsambindinga sør og nordover E39 mens riksvei 15 fortsetter vestover via Stryn og møter E6 ved Otta.

Hurtigruta går innom Måløy fast. Det er snøggbåtsamband nordover til Selje og sørover til Florø og Bergen.

[endre] Næring

Hovudnæringane er fiskeri, fiskeoppdrett og skipsverft. Det er meir enn 1 000 arbeidsplassar i fiskerinæringa på sjø og land, og her er eit av dei mest moderne fiskeindustrianlegga i Noreg. Kommunen er den største fiskerikommunen i landet når det gjeld landa kvantum i året (350 000 tonn (2002)). Målt i fyrstehandsverdi er han nr. 3 (etter Ålesund og Tromsø).

[endre] Kommunen i dag

Då formannskapslovene vart innførte i 1837 var Vågsøy og Selje ein kommune. Selje var både kyrkjestad og administrasjonssenter.

I 1900 vart Vågsøy skilt ut som eige kyrkjesokn og i 1910 vart òg kommunegrensene lagde om. Det vart oppretta to nye kommunar: Sør- og Nord-Vågsøy. Måløy vart administrasjonssenter for Sør-Vågsøy, Raudeberg i Nord-Vågsøy.

I 1965 vart dei to kommunane slått saman, kommunegrensene vart justerte noko og Måløy vart felles administrasjonssenter.

Bygdene Sørpoll, Osmundsvåg og Silda i nord er no ein del av Vågsøy. I sør er øyane Husevågøy og Gangsøy i Fåfjorden lagde til kommunen. I aust vart Bryggja og Maurstad delar av Vågsøy då Davik kommune forsvann.