Stroom (Water)

From Wikipedia

En Stroom, ok Fluss nöömt, is en fleten Water, wat grötter is as’n Beek.

[Ännern] Dat Water

En Stroom hett normolerwies Söötwater. Blots in den Ünnerloop, wo de Tied is, dor schufft de Floot ok Soltwater rin. Dat gifft denn Brackwater, so as in de Ünnerlööp vun de Elv, de Oost, de Werser, de Ems un de Eider.

En Stroom hett enen Born oder Spring, dor kümmt dat Water ut de Eer. Denn kümmt dor Beken un anner Strööm dorto, bit dat Water in de See geiht, af un an ok in enen See.

[Ännern] Orografie un Tonnen

Links un rechts bi en Stroom is jümmers vun de Born ut keken. Anners is dat mit de Tonnen. Dor geiht dat vun de Münn ut, denn is de gröne Tonn an Stüerbord un de rode Tonn an Backbord.

[Ännern] Leven in’n Stroom

En Stroom hett veel Leven in sien Water. Dat is Plankton un Fisch in dat fre’e Water, un Benthos an den Grunn. Tomeist sünd de Fisch Söötwaterfisch, avers dicht bi de See kümmt ok mal en Butt vör.