John F. Kennedy
From Wikipedia
John Fitzgerald Kennedy (* 29. Mai 1917 in Brookline, Massachusetts; † 22. November 1963 in Dallas, Texas bi een Mordanslag) weer de 35. Präsident vun de Vereenten Staaten vun Amerika (1961 - 1963). He weer de tweede Söhn vun den Millionär Joseph P. Kennedy un sien Fro Rose Fitzgerald Kennedy. Düsse Rose Kennedy weer de Dochter vun den vörmaligen Börgermeester vun Boston. In'n tweeten Weltkrieg hett John F. Kennedy bi de US-Marine in'n Pazifik deent. He weer dor Kummandant vun dat Snellboot PT 109. An'n 12. September 1953 hett he Jacqueline Lee Bouvier heiraat. Bit up den hüdigen Dag kaamt ut de wietlöftige Kennedy-Familie Politikers, de wat to seggen hefft.
Vunwegen sien afsunnerlichen Dood, de allerwegens up de Eer in'n Fernsehen to sehn weer, man ok vunwegen datt he den eersten Flug nah'n Moond ankünnigt hett, is he allerwegens een vun de bekanntest Präsidenten vun de USA. In Düütschland is he besunners beropen vunwegen sien beröhmt Reed vör dat Raathuus in Berlin-Schöneberg, wo he den Satz utspraken hett: „Ik bin ein Berliner“.
Sietenkategorien: Mann | USA | Politiker
