Pools
Van Wikipedia
't Pools is de taol vaan Pole, die door 98 procent vaan de Poolse bevolking es mojertaol gesproke weurt. Laangs de oosgrens zien 'rs väöl Poolstaolege meenderhede (hei en dao zelfs mierderhede), zo sprèk ei derde vaan de inwoeners vaan Vilnius, de houfstad vaan Litouwe, Pools. Same heet de taol 46 miljoen sprekers. 't Pools is de belangriekste Wes-Slavische taol, èng verwant mèt 't Tsjechisch en 't Slowaaks. De taol heet gein groete dialekversjèlle: alle Pole kinne ziech oonderein verstoon.
[bewirk] Grammair
De Poolse taol is, wie de meiste Slavische taole, 'n echte flectietaol: 't heet zeve naomvalle die in drei genera en twie getalle trökkoume. E derde getal, d'n dualis, is ieuwe trök oet de taol verdwene. Wie in de meiste Slavische taole heet 't verb twei aspekte.