Maas
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
De Maas of Maos is 'n Wes-Europese reveer die door 't midde vaan Limburg struimp en veur e veurnaom deil de grens tösse Nederlands en Belsj Limburg vörmp. 't Gemiddeld debiet, euver 't gaanse jaor gemete, is 230 m3 per seconde. De lengde ligk roond de 925 kilometer. De Maos struimp door Fraankriek, 't Belsj en Nederland.
Inhawd |
[bewirk] Loup
[bewirk] In Fraankriek en Wallonië
In 't Plateau van Lângres, in de Vogeze, lik de bron vaan de Maos. De bronne vaan de Seine en de Marne ligke hei ouch. De Maos weurt gevood door rege. De stei Verdun en Sedan ligke aon de revier, die vaanaof dao bevaarbaar weurt. Tösse Givet en Dinant passeert ze de Bèlsje grens. Bij Name vleujt de Sambre drin euver. De revier deit daan Andenne en Hoei aon en kump bij Èèsjde vaanoet 't Bèlsj Nederland binne.
[bewirk] In de Limburge
De Maos kump beij Eisde Limburg binne. Nao einege kilometers es grens tösse Nederlands en Bèlsj Limburg te höbbe gefungeerd kump ze bij Mestreech, wat al in d'n Aajdheid nao de Maos verneump is, gaans op Nederlands gebeed te ligke. Mestreech ligk aon bei kante vaan de Maos, meh 't aajd cintrum ligk aon de Weskaant ('t deil aon d'n ooskant neump me Wiek). Nao Mestreech löp de grens weer geliek mèt de Maos. Väöl aander plaotse höbbe häöre naom aon de Maos oontleend, wie Maasbrach, Maasmechele en Maaseik. Nao Kêsing drejt de Maos vol 't Nederlands groondgebeed in en deit Remoond en Venlo aon. In de gemeinte Venlo struimp de Maos langs de aon de ooskant gelege dörpe Belfeld en Tegele, daornao vörmp de reveer de grèns tösse de stad Venlo en Blierik. Ut aajd cintrum vaan Venlo ligk aon de rechterkaant, de ooskaant, vaan de Maos. In noordelik Limburg struimp ze nog laanks Velden, Grubbevors, Aarce, Gennep en Mook, boe ze Limburg verliet.
[bewirk] Zierevere en beke van de Maos
- de Geul
- de Jeker
- de Roer
- de Zjwaam
- de Ouw Maas
- de Kanjel
- de Voor
- de Geer
- de Grand Surdan
- de Kogbaek
- de Sleiebaek
- de Ziepbaek
- de Berwinne
- de Ourthe
- de Langbrookbach
- de Bosbaek
- de Witbaek
- de Raambaek
- de Pepinusbaek
- de Vullensbaek
- de Hambaek.
[bewirk] Nao Mook
Nao Mook weurt de Maos de grens tösse Noord-Braobant en Gelderland. De nuibouw vaan De Bosj ligk allewijl tege de Maoskant aon. Bij Heusden ligk 'n historische splitsing: vreuger leep de Maos doe sjoens nao 't noordweste en gink ze bove Dordrech laanks, allewijl struimp ze rech nao 't Weste, um tösse Dordrech en Willemstad in 't Hollands Deep oet te munde. In Dordrech en Rotterdam sprèk me nog altied vaan De Maas, zuug Aw Maos resp. Nui Maos.