Atheïsme
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
Mèt Atheïsme bedoelt me 't oongeläöf es filosofische groondslaag. Neet ederein dee neet in God (of 'ne god) geluif kin atheïst geneump weure. Eine, dee ziech mèt religieus zake neet bezeghèlt, of veur ziechzelf erkint gein meining te höbbe, neump me 'nen agnost. 't Atheïsme is fundamenteel get aanders, namelik e filisofisch systeem dat geine god erkint. In brei zin is 't Boeddhisme ouch 'ne vörm vaan atheïsme, umtot dees religie geine god heet. Evels weurt mèt de term atheïst meistal verweze nao eine, dee alle religie verwörp.
't Atheïsme is in de late negetiende ieuw en in de twintegste ieuw door versjèllende filosofe gepropageerd. De veurnaomste daovaan zien Friedrich Nietzsche, Karl Marx en Jean Paul Sartre.