Aruba
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
Aruba | |
Officieel taol | Nederlands, Papiaments |
Hoofstad | Oranjestad |
Staotsvörm | Land binne 't Keuninriek |
Staotshoof | Beatrix (sins 1980) |
gouvernäör | Fredis Refunjol |
premier | Nelson Oduber |
Groondgebeed % water |
180 km² 0% |
Inwoeners | 70.000 miljoen |
Munt | Arubaanse gölle (AWG) |
Tiedzaone | UTC -4 |
Nationale fiesdaag | 18 maart |
Volkshymne | Aruba Dushi Tera |
Landcode | ABW |
TLD | .aw |
Tillefoon | +297 |
Aruba is 'n eiland in de Caribische Zie, en e land binne 't Keuninkriek der Nederlen, conform 't Statuut vaan 't Keuninkriek der Nederlen. Aruba ligk oostelik vaan Curaçao en noordelik vaan Paraguaná, Venezuela. Hoofstad is Oranjestad. Aruba is 'n eiland mèt weineg reliëf en brei stren, die väölvöldeg gebruuk weure veur toerisme. Aruba sjeide ziech in 1986 vaan de Nederlandse Antille aof en heet sinsdeen 'ne status aparte.
[bewirk] Demografie
Aruba weurt veurnaomelik bevolk door mulatte en creole, die aofstammelinge zien vaan Afrikaanse slaove. Aanders es op Curaçao heet de bevolking e sterk Indiaans elemint, wat door de oorsprunkelike bewoeners, de Arowakke dringebrach is. 'n Klein minderheid vaan de bevolking is Europees dewijl de eilen relatief väöl immigrante vaan oet de res vaan 't Caribisch gebeed höbbe. 82% vaan de bevolking is Roems-kattelik, 8% is protestants. De volkstaol, 't Papiaments, is sins 2004 ouch 'n officieel taol, neve 't Nederlands.
Aruba is in verglieking mèt de naoberlen e riek en welvaorend land.
[bewirk] Historie
Aruba woort bij 't ierste contak mèt Europeane door de Arowakke bewoend. De Spaanjerds claimde 't eiland in 1499 en dwónge de bewoeners tot slaovewerk in de koperkojle op Hispaniola. Wie die oetgepöt waore stoont me de Indiane touw nao 't eiland trök te kiere. In 1636 kaom 't eiland aon de Nederlen; umtot de groond zoe erm waor kós me dao evels gein groetsjaolege plantazjes aonlègke en hiersde op Aruba gans ander situaties es op Curaçao. In de negentiende iew hiersde op Aruba 'ne goudkaorts.
Vaanaof 1948 oontstoont 't nationalisme en de oonaofhenkelikheidsbeweging op Aruba. In 1976 woorte de veendel en 't volksleed vasgestèld. Umtot Aruba ziech es toeriste-oord ummer wijer oontwikkelde en e stök welvaorender waor es Curuçao, 't hoofeiland vaan de Nederlandse Antille, greujde de oonvrei op 't eiland. Op 1 januari 1986 maakde Aruba ziech los oet de Nederlandse Antille um 'n eige land binne 't Keuninkriek te vörme, mèt de bedoeling tot 't in de jaore negeteg oonaofhenkelik zouw weure. Dit is op de lang baon gesjove en nui oontwikkelinge verhawwinge in de politiek tösse Nederland en de euverziese gebeedsdeile höbbe 't oonwaorsjijnlik gemaak tot Aruba ziech in de kortbij touwkoms ouch ech zal aofsjeie.
In 2005 stortde de natuurlike brögk, 'n toeristische attractie, in.
Len in Noord-Amerika |
---|
Antigua en Barbuda | Bahama-eilen | Barbados | Belize | Canada | Costa Rica | Cuba | Dominicaanse Rippebliek | Grenada | Guatemala | Haïti | Honduras | Jamaica | Mexico | Nicaragua | Pánama | Saint-Kitts | Saint-Vincent | El Salvador | Santa Lucia | Trinidad en Tobago | Vereinigde Sjtaote van Amerika |
Aafhenkelike gebejer: Aroeba | Guadeloupe | Martinique | Nederlandse Antille | Puerto Rico | Sint-Maarte (Frans) |