Nicolas Schmit

Vu Wikipedia, der fräier Enzyklopedie.

Den Nicolas Schmit (*10. Dezember 1953) ass e Lëtzebuerger Diplomat a Politiker.

Den Nicolas Schmit studéiert Economie an Droit zu Paräis a schléisst seng Studien matt engem DEA an Internationale Bezéiungen an engem Doktorat a Wirtschaftswëssenschaften of.

Tëschent 1978 an 1979 ass hie "Chargé de recherche" an internationale Wirtschaftsbezéiungen op der Universitéit zu Aix.

Vun 1979 bis 1983 ass hien Attaché am Staatsministère, a wiesselt dann als Legatiounssekretär an den Ausseministère. 1984 gëtt hien dem Jacques Poos säi Kabinettschef.

1989 gëtt hie Sekretär vun der LSAP-Chambersfraktioun a gëtt 1990 Conseiller bei der Stänneger Vertriedung vu Lëtzebuerg bei der Europäescher Unioun (EU) zu Bréissel.

1991 gëtt den Nicolas Schmit Member vum Staatsrot. Vun 1992 bis 1998 ass hien Direkter am Ausseministère an zoustänneg fir auswärteg Handelsbezéiungen a Kooperatioun.

1998 gëtt hien zum Stännege Vertrieder (Ambassadeur) vu Lëtzebuerg bei der EU ernannt.

Zënter dem 31. Juli 2004 ass den Nicolas Schmit Delegéierte Minister am Ausseministère a Ministère fir Immigratioun an der Regierung Juncker-Asselborn.

Den Nicolas Schmit ass bestuet a Papp vu véier Kanner.