Sanctiacobi
E Vicipaedia
Sanctiacobi seu Iacobopolis seu urbs Sancti Iacobi [1] (Neolatine Hispanice seu Castellanice: Santiago) caput Tziliae seu Chiliae est. Iacobopolis ad ripas Maputzongis fluuii et prope Antem Montem est. Quinquagies sexies centena milia sexaginta octo milia cuadringenti septuaginta tres (5,668,473) incolae habitabant Iacobopoli anno 2002 censu. Area principalis Iacobopolis “Plaza de Armas” est, ubi Hispani Petrus Valdivia (Pedro de Valdivia), Domitor Tziliae (Conquistador de Chile) condidit urbem anno 1541 post natum Christum die 12 mensis februarii (id est anno 2294 ab Urbe Condita [Roma] pridie idus februarias). “Palatium Monetae” (Palacio de la Moneda), sedes administrationis Tziliae gubernationis, et Curia Suprema (Corte Suprema), altissimum forum iuridicum, Iacobopoli sunt. Conventus (potestas leges ferendi) divisum in duabus curiis (Curia Senatus et Curia Vicariorum), situm in urbe Vallis Paradisi (Valparaíso) est.
Fluvius "Maputzongis" (Neolatine Hispanice seu Castellanice: Mapocho), id est Fluvius "in Terra Latens" ("Mapu Chong") in lingua "mapudungun" aboriginum araucanorum seu maputzium (Neolatine Hispanice seu Castellanice: Mapuche).
Antis Mons (Neolatine Hispanice seu Castellanice: "Cordillera de los Andes") nomen pristinum est, non "Andes Montes" (numerus singularis cf. Caucasus Mons et Taurus Mons).
"Antis" Mons, id est "Orientalis" Mons in lingua "runa simi" Incarum Peruviae ("Anti") et in lingua "aymara" aboriginum Aymararum Boliviae ("Antis") et in lingua "kunza" aboriginum Atacamensium Tziliae septentrionalis ("Anta"). Hic mons nominatur "Pire Mapu", id est "Nivum Terra", ab Araucanis seu Maputzibus Tziliae et Argentinae.
Antisensis, -e, adj, non Andinus, -a, -um.
Index |
[recensere] Panorama
[recensere] REGIONES IACOBOPOLIS TZILIAE (Comunas de Santiago de Chile)
Ut Roma divisa fuit ab Augusto in XIV regiones, sic Iacobopolis Tziliae in XXXII regiones ("comunas" in Neolatine Hispanice sev Castellanice) divisa est. Regiones divisae sunt in vicos (“barrios” seu “poblaciones”). Dux administrationis regionis “Curator Regionis” (“Alcalde de la Comuna”) est. Duces administrationis vici, electi ab vicinis, « Vicomagistri » (« Miembros de la Junta de Vecinos ») sunt. Hae sunt Regiones Iacobopolis Tziliae:
-Barnechea (Lo Barnechea). Haec regio nomen cepit ex cognomine Neolatino Hispanico seu Castellanico "Barnechea" seu "Barrenechea" seu "Bonechea". Barnecheanus, -a, -um, adj.
-Cisterna (La Cisterna). Cisterninus, -a, -um, adj.
-Colliculi (Cerrillos). Collinus, -a, -um, adj.
-Collis Naviae (Cerro Navia). "Navia" cognomen Neolatinum Hispanicum seu Castellanicum est. Navianus, -a, -um, adj.
-Comitum Montes (Las Condes). Haec regio nomen cepit ex fundo appellato "Montes Comitum" (Neolatine Hispanice seu Castellanice "Las Sierras de los Condes"). "Comites Montium Pulchrorum" ("Condes de Sierra Bella") domini huius fundi erant.
-Contzualinis (Conchalí), id est "faeces siccae" ("Konchu Alin") in lingua "runa simi" incarum Peruviae. Contzualinus, -a, -um, adj.
-Cylacura (Quilicura), id est "Tres Petrae" ("Küla Kura") in lingua mapudungun aboriginum araucanorum seu maputzium. Cylacuranus, -a, um, adj.
-Espejo (Lo Espejo). Haec regio nomen cepit ex cognomine Neolatino Hispanico seu Castellanico. "Espejo" Neolatine Hispanice seu Castellanice "Speculum" est.
-Florida (La Florida). Floridanus, -a, -um, adj.
-Fytacura (Vitacura), id est "Magna Petra" ("Füta Kura") in lingua mapudungun aboriginum araucanorum seu maputzium. Fytacuranus, -a, -um, adj.
-Independentia (Independencia). Haec regio nomen cepit ex via appellata "Independentia", per quam transiit "Exercitus Liberator" qui independentiam Tziliae a Hispania consecutus est. Independentinus, -a, -um, adj.
-Maculis (Macul). Haec regio nomen cepit ex rivo Macule, ad quem antigua colonia Incaica erat. "Macul", vox linguae "runa simi" Incarum Peruviae, nomen unius fluvii Aequatoriae etiam est. Maculinus, -a, -um, adj.
-Maipum (Maipú), id est "Cultus Ager" (Maipun) in lingua mapudungun aboriginum araucanorum seu maputzium. Maipinus, -a, -um, adj.
-Niuniuva (Ñuñoa), nomen unius dictricti Ajaviris, in Peruvia, etiam est. "Ñuñúwa" (Ñuñoa), vox linguae "runa simi" Incarum Peruviae est. Niuniuvanus, -a, um, adj.
-Penialolenis (Peñalolén), id est "Manipulus e fossis astacorum" ("Peñad Lolen") in lingua "mapudungun" aboriginum araucanorum seu maputzium. Penialoleninus, -a, um, adj.
-Petrus Aguirreus Cerda (Pedro Aguirre Cerda). Haec regio nomen cepit ex Petro Aguirreo Cerda, praeside Tziliae.
-Pintana (La Pintana). Haec regio nomen cepit ex cognomine Neolatino Hispanico seu Castellanico "Pintana". Pintanus, -a, um, adj.
-Prado (Lo Prado). Haec regio nomen cepit ex cognomine Neolatino Hispanico seu Castellanico. "Prado" Neolatine Hispanice seu Castellanice "Pratum" est.
-Praedium Scholae Normalis Agriculturae (Quinta Normal).
-Providentia (Providencia). Providentianus, -a, -um, adj. Haec regio nomen cepit ex Ordine Monacharum Divinae Providentiae, cuius Monasterium in hac regione est.
-Pudavylis (Pudahuel), id est "Lamae" ("Pu Dawyll") in lingua mapudungun aboriginum araucanorum seu maputzium. Regio Lacunosa. Pudavylinus, -a, um, adj.
-Recollecta (Recoleta). Haec regio nomen cepit ex Ecclesia Sancti Francisci Patrium Recollectorum. Recollectanus, -a, -um, adj.
-Regina (La Reina). Haec regio nomen cepit ex nomine cuiusdam fundi.
-Rhenca (Renca), id est nomen cuiusdam plantae (Achyrophorus Grandidentatus) in lingua "runa simi" incarum Peruviae. Rhencanus, -a, -um, adj.
-Sanctus Iacobus seu Regio Iacobea (Santiago), ubi Iacobopolis condita fuit a Petro de Valdivia anno 1541 die 12 mensis februarii. Iacobopolitanus, -a, -um, adj.
-Sanctus Ioachimus seu Regio Ioachimina (San Joaquín). Ioachiminus, -a, -um, adj.
-Sanctus Michael seu Regio Michaelina (San Miguel). Michaelinus, -a, -um, adj.
-Sanctus Raimundus seu Regio Raimundina (San Ramón). Raimundinus, -a, -um, adj.
-Silva (El Bosque). Haec regio nomen cepit ex nomine bellicarum aërinavium portus localis. Silvanus, -a, -um, adj.
-Statio Centralis seu Regio Hamaxostichorum (Estación Central). Haec regio nomen cepit ex Statione Centrale Hamaxostichorum.
-Vetzurava (Huechuraba), id est "Supra Cretam" ("Wechu Ragh") in lingua mapudungun aboriginum araucanorum seu maputzium. Regio Cretosa. Vetzuravanus, -a, -um, adj.
-Villa (La Granja). Villanus, -a, -um, adj.
Usor: Laurentius Euricus Arceus Contrerasius
Receptum de "http://la.wikipedia.org/wiki/Disputatio:Sanctiacobi"
[recensere] Vide etiam
[recensere] Notae
- ↑ VOX LATINA. Comentarii periodici favore et subsidio Studiorum Universitatis Saravicae comparati. ISSN 0172-5300. Saraviponti. Tomus 42 2006 Fasc. 163
