Autocinetum
E Vicipaedia
Autocinetum (-i, n.) sive automobile[1] (quod verbum evitandum est ob mixturam elementorum Graecorum cum Latinis) est vehiculum rotale, actum aut vi vaporica, aut vi electrica aut vi petroleica.
Index |
[recensere] Quo modo autocineta operantur
Autocinetum vehiculum est machinale iumentis carens, plerumque quattuor rotis praebitum quod gubernaculo rotatili sive rotula moderatrici dirigitur. Vim motricem suppeditat motorium sive motrum sive cietrum in quo naphtha (mixtura fractionum petrolei destillati, genus laticis igniferi) comburitur. Intra motorium partes sunt mobiles quorum motu alternanti per varios apparatus mechanicos vis reciproca in motiones versatiles convertitur ac demum inter quattuor rotas dispertitur.
Partes principales motorii combustione interna acti sunt haec:
Truncus sive moles motorii est pars maxima et gravissima in qua modioli (numero inter quattuor et sedecim) terebrantur. In modiolis emboli inseruntur qui expansione mixturae ardentis naphthae et aere moventur. Circumcirca embolos sunt anuli ferrei ad oleum et gasia ardentia constringenda adapti. Hi emboli ad ferrum uncatum scapis nectentibus iunguntur quod invicem magnam rotam momentosam convertit.
Super truncus motori epistylium sive caput modiolorum cochleis robustis affixum est. Subter est patina sive receptaculum olei in qua antlia olei locatur. In epistylio sunt valvulae per quas alimentum introit et fumus exit. Prope has sunt et scintillatra vi electridis acta ad naphtham ipso articulo maximae compressionis accendendam.
Apparatus quo naphtha et aer miscentur est migma benzini sive scatebra naphthae nebulosae cui alimentum ab antlia naphthae suppeditatur. Haec in receptaculo naphthae locatur, illa super fauces multiforabiles in epistylio.
Motio versatilis rotae momentosae per compaginem discorum molaris instar ad scapum actorium transfertur in quo est commissura universalis ubi licet scapo quaquaversum flecti. Hic invicem per rotulas dentatas differentiales aut rotas posticas aut omnes quattuor rotas et canthos circumagit.
[recensere] Partes autocineti
 Lamina puppis autocineticae aerem derivans Lanciae themae 8.32 |
 Pneumaticae cummes |
[recensere] Historia
Primum autocinetum vapore agebatur. Erat francogallus Nicolas Joseph Cugnot nomine, qui finxit carrum trirotalem machina vaporica actum anno MDCCLXIX Lutetiae. Celerrimum autocinetum machina vaporica actum a fratribus Francisco et Freelan Stanley anno MCMVI constructum est, cuius maxima velocitas erat CCV chiliometra per horam, eo tempore celerrimum automocinetum mundi. Primum autocinetum electricum a homine scotico Roberto Anderson finctum est anno MDCCCXXXIX. Primum autocinetum petroleo utens erat carrus trirotalis quem finxit Carolus Benz anno MDCCCXCVI.
[recensere] Species
- autocinetum onerarium sive "plaustrum" sive "phortegum"
- autocinetum privatum sive "raeda"
- VIA THEMA
- autocinetum longum sive "laophoreum" sive "autocinetum omnibus", coenautocinetum (publicum; Caelestis Eichenseer/Sigrides Albert), carrus omnibus vehi volentibus accommodatus
- tractor sive tractorium
- Automatarius chamulcus
- Automataria birota
- pertorritum Americanum (Jeep)
"Autocinetum" saepius pro raeda privata stat. Solet quattuor rotas habere. Motorium est vel octanicum vel dieselianum.
[recensere] Societates Autocineticae
- AC - Acura - Alfa Romeo - Alpha Sports - AMC vel Societas Motoriorum Americana - Ariel - Aston Martin - Audi - Austin - Bentley - BMV - Bugatti - Buick - Cadillac - Chevrolet - Chrysler - Citroen - Daevoo - Daihatsu - Daimler-Chrysler - Datsun - De Soto - DKW - Dodge - Edran - Ferrari - Fiat - Ford - FPV - Gillet - Holden - Honda - Horch - HSV - Hyundai - Imperial - Iso Rivolta - Isuzu - Iaguar - Kia - Koenig - L&B - Lamborghini - Lancia - Landwind - Lexus - Lincoln - Lotus - LuAz - Mercedes-Benz - Mercury - MG - Mini - Mitsubishi - Morris - Motoria Generalia (GM) - Nissan - NSU - Oldsmobile - Opel - Pagani - Peugeot - Plymouth - Pontiac - Porsche - Quantum - Renault - Rinspeed - Rover - Rolls-Royce - Santana - Sbarro - Seat - Shelby - Sivax - Sun - Suzuki - Tickford - Toyota - Trabant - Venturi - Volksvagen - Volvo - Wanderer - Wartburg - ZAZ - Zastava
