Whitby
El Vikipedio
Geografio > Eŭropo > Britio > Anglio > Angla regiono > Angla provinco > North Yorkshire > Whitby < Urboj
Whitby estas fiŝboata haveno kaj turista urbo en la provinco North Yorkshire ĉe la nordorienta marbordo de Anglio. Ĝi troviĝas ĉe la estuaro de la rivero Esk kaj pro la marborda kurbo frontas pli norde ol oriente.
La urbo vastiĝas supren sur la krutaj flankoj de la Esk valo. Sur la okcidenta klifo estas la plejparto de la urbo sed sur la orienta klifo troviĝas la impona ruino de Whitby Abbey (abatejo) ankaŭ la Preĝejo de St Mary. Por atingi la orientan klifon oni devas veturi longdistance laŭstrate aŭ surgrimpi la famajn 199 ŝtupojn, aŭskultante al aliaj nombrantaj grimpantoj. Sur la orienta klifo oni vidas la statuon de Ŝipestro James Cook, kiu eknavigis el Whitby, kaj arkon de barto honore de la historia balenindustrio.
Stranga vizitindejo ĉe Whitby estas la Drakula Muzeo – grandparto de la fama romano de Bram Stoker okazis tie, inklusive de la alveno de Drakulo sur ŝipo albordigita en la haveno. Ĉe la sunsubiro super la apuda Promontoro Kettleness Lucy observis de la preĝeja korto, sed ŝi ne sciis kiom da ŝtupoj ŝi suprergrimpis por alveni tien.
Ĉe Whitby okazis la Rohilla katastrofo je 30-a de oktobro 1914, kiam la hospitala ŝipo Rohilla fundeniĝis sufiĉe apud la marbordo. 85 homoj mortis kaj plejparte enteriĝis en la preĝeja korto. Eble Rohilla iris surteren, eble trafis minon, raportoj diferencas.
La nomo de la urbo venas el la dana lingvo kaj signifas "blanka urbo".
