Stirio

El Vikipedio

Geografio > Eŭropo > Aŭstrio > federacia lando Stirio
Geografio > Eŭropo > Slovenio > regiono Stirio

la flago de lando Stirio

Stirio – germane Steiermark [ŝtajama'k], slovene Štajerska [ŝtajaska], latine Styria – estas interalie federacia lando (Land) de Aŭstrio. Ĝia ĉefurbo estas Graz.

Stirio kiel federacia lando de Aŭstrio

Ĉar Stirio ankaŭ estas historia regiono, ekzistas neoficiala regiono en Slovenio, kiu havas la saman nomon.

Stirio kiel regiono de Slovenio

Stirio en Aŭstrio kaj Slovenio

Enhavo

1 Aŭstria Stirio

[redaktu] Aŭstria Stirio

Loĝantaro: 1.183.303 (majo 2001)
Areo: 16.392 km²
Pleja alto: 2.995 m (monto Hoher Dachstein)
Kodo (ISO 3166-2): AT-6

Stirio limas al kvin aliaj sublandoj aŭstriaj (Karintio, Salcburgo, Aŭstrio Supra, Aŭstrio Malsupra, Burgenland), pli ol iu alia sublando. Sude ĝi limas al Slovenio. Ĉefa rivero estas la Muro (germane Mur, slovene Mura), kiu je 40 km formas la landlimon.

[redaktu] Historio

Dum la Romia imperio la teritorio de nuna Stirio apartenis al la provincoj Pannonia (oriento) kaj Noricum (okcidento).
En 1180 Stirio, ĝis tiam parto de duklando Karintio, iĝis propra duklando.
En 1192 ekvalidis la traktado de Georgenberg (Georgenberger Handfeste), fiksita en 1186, laŭ kiu Stirio iĝis parto de Aŭstrio.
Pro la heredaj dividoj de la Habsburgoj ĝi iĝis centra parto de Interna Aŭstrio.
Post la aligo de Aŭstrio al Germanio en 1938 la regioneto de Bad Aussee estis transdonita al Aŭstrio Supra, tiam nomata "Supra Danubio".
Post la Dua mondmilito la regioneto reiĝis parto de Stirio, sed kiel aŭtonoma komunumo (aŭstre-germane Expositur).