Maria Teresa de Hispanio
El Vikipedio
Maria Teresa de Hispanio (franclingve Marie-Thérèse d'Autriche, hispanlingve María Teresa de Austria) (naskiĝis en 1638 en Madrido - mortis en 1683 en Versailles) estis la edzino de la franca reĝo Ludoviko la 14-a kaj do la reĝino de Francio ekde 1660. Ŝi estis la filino de la hispana reĝo Filipo la 4-a kaj de Elizabeto de Francio.
Ŝia edukado estis tre rigora kaj diotima. Ekde sia infaneco, Maria Teresa sciis ke ŝi devis edziĝi kun la franca reĝo. La du gekuzoj edziĝis je la 9-a de junio 1660 en Saint-Jean-de-Luz, post la subskribo de la traktato de la Pireneoj en 1659. Tiu edziĝo estis ĉefe organizita de la franca ĉefministro, la kardinalo Mazarin. Sed kio rilatis al Ludoviko la 14-a, li esperis ĝis la lasta momento edzigi Marie Mancini : la ĉefministro kaj la regentino Anno de Aŭstrio kontraŭstaris tiun junan amon.
Kiam Maria Teresa alvenis al la kortego de Versailles, sia bopatrino Anno de Aŭstrio proponis al si protekto, kaj lernigis al si la reĝinan profesion. Sed la nova reĝino neniam fariĝis efika estrino, kvankam ŝi iom progresis pri la scipovo de la franca.
Plie, Ludoviko la 14-a rapide neglektis ŝin por viziti siajn multajn amorantinojn, sed ĉiam restis taŭga edzo. Tio ebligis la naskiĝon de ses gefiloj. Ĉiuj mortis tre frutempe, escepte de la nova Dauphin, Ludoviko de Francio (kiu tamen ne postvivis la longedaŭran reĝadon de sia patro).
