Возера
Зьвесткі зь Вікіпэдыі — вольнай энцыкляпэдыі.
Во́зера — натуральны замкнёны зборнік вады, існаваньне якога забясьпечана існаваньнем паглыбленьня ў глебе, і ў якім зьбіраецца паверхневая вада, якая сілкуецца вадой у большым аб'ёме чым траціцца праз выпарэньне ці выток. Узьнікненьне азёрных катлавін перш за ўсё зьвязана з геалягічным працэсамі. Сілкаваньне перш за ўсё залежыць ад кліматычных умоў.
Самыя вялікія і глыбокія азёры тэктанічнага паходжаньня. У іх знаходзіцца 95% азёрнай вады. Тэктанічныя азёры запаўняюць паглыбленьні ўзьнікшыя ў выніку тэктанічных зрухаў. Самым вялікім з кропкі гледжаньня плошчы зьяўляецца Касьпійскае мора (салёнае возера). Самае нізкае салёнае возера Мёртвае мора, самае глыбокае — Байкал (1.620 мэтраў глыбіні), якое, адначасова, зьяўляецца возерам утрымліваючым самую большую колькасьць прэснай вады — 23.000 км³ (20% сусьветных запасаў). Адным з найвышэй разьмешчаным вялікім возерам зьяўляецца Тытыкака ў Андах (3.812 мэтраў над узроўнем мора). Найбольшая колькасьць азёр мае пасьлялёдавае паходжаньне. Разьмешчаны як у гарах, так і на раўнінах.
Азёры — малады элемэнт краявідаў, толькі некаторыя азёры вядуць паходжаньне з трацічнага пэрыяду (Байкал — 20 – 30 млн.гадоў). У сухім клімаце азёры высыхаюць, а ў вільготным клімаце схільныя да зарастаньня воднай расьліннасьцю паступова пераўтвараюцца ў балота.
Балоты і азёры зьяўляецца натуральнымі зборнікамі вады толькі ва ўмовах лішка вады і аддаюць яе ў безападкавы пэрыяд. Такім чынам яны рэгулююць цячэньне рэк і ўраўноўваюць яго ў часе. Так сама прымаюць частку вады пад час павадкаў і ўтрымліваюць узровень грунтовых вод пад час засухі. Вялікія водныя плошчы робяць прыазёрны клімат больш вільготным чым на іншых абшарах. Яны ўтвараюць свае экасыстэмы з багатай флёрай і фаўнай.
Азёры, так сама, маюць вялікае гаспадарчае значэньне — утвараюць спартыўна-рэкрэацыйныя абшары, зьяўляюцца воднымі шляхамі, лёгкадасягальнымі крыніцамі вады, у тым ліку і для прамысловасьці. Азёрная вада, з багатым арганічным жыцьцём, зьяўляецца жыцьцяўтваральным асяродзьдзем.
Зьмест |
[рэдагаваць] Падзел
[рэдагаваць] Па паходжаньню
Па паходжаньню азёры дзеляцца на:
- тэктанічныя
- лёдавыя
- рачныя
- прыморскія (лагуны і ліманы)
- правальныя (карставыя і тэрмакарставыя)
- вульканічныя (у кратэрах згаслых вульканаў)
- завальныя
- штучныя (вадасховішчы).
[рэдагаваць] Па воднаму балянсу
Па воднаму балянс азёры дзеляцца:
- вытокавыя (маюць выток у выглядзе рэк)
- безвытокавыя (мне маюць вытоку, расход вады ажыцьцяўляецца праз выпарэньне).
[рэдагаваць] Па хімічнаму складу
Па хімічнаму складу вады азёры дзеляцца на:
- прэсныя
- мінэральныя (салёныя)
Агульная плошча азёраў на Зямлі складае каля 1,8% (2,7 млн.км²).
[рэдагаваць] Вонкавыя спасылкі
Возера — сховішча мультымэдыйных матэрыялаў